Sankt-Peterburqda terror qurbanlarının biri azərbaycanlı gənc tələbə qızdır

Rusiyanın Sankt-Peterburq şəhərində aprelin 3-də baş verən parlayış zamanı həyatını itirən 11 şəxsdən biri 21 yaşlı azərbaycanlı tələbə qız Dilbər Səməndər qızı Əliyevadır.

Rusiyanın “Exo Moskvı” nəşrinin dərc etdiyi siyahıda əvvəlcə onun adı Əliyeva Tamara kimi göstərilib. Gənc qız aprelin 3-ü ağır vəziyyətdə Canelidze adına təcili yardım xəstəxanasına gətirilib, oradaca aprelin 4-ü səhər özünə gəlmədən keçinmişdir.

Azərbaycanın Peterburqdakı diasporasının fəali Orxan Məcidov qızın bu gün Peterburqda dəfn olunacağını söyləyib.

Azərbaycanın Sankt Peterburqdaka Baş konsulu Sultan Qasımov bu xəbəri təsdiqləyib. “Əliyevanın ölüm xəbərini biz səhər tezdən eşitdik. Hazırda bizim əməkdaşlarımız xəstəxanadadır” –  baş konsul APA-nın Rusiya bürosuna bildirib.

Baş konsul əlavə edib ki, partlayış zamanı yaralanan digər azərbaycanlı – Zaur Vəliyevin vəziyyəti stabildir, hazırda o xəstəxanadadır.

Ötən gün Sankt-Peterburq metrosunda baş vermiş terror aktı nəticəsində həlak olanların sayı 11 nəfərə çatıb, 45 nəfər xəstəxanaya yerləşdirilib.