Saakaşvili: "Zəhərlənmədən şübhələndiyimi heç vaxt deməmişəm"

Saakaşvili zəhərlənmə fərziyyələrinə qarşıdır

Gürcüstanın üçüncü prezidenti Mixail Saakaşvilinin sözlərinə görə, o, heç vaxt vəkillərinə zəhərlənməsilə bağlı şübhələr barədə məlumat verməyib və bu cür spekulyasiyalar yersizdir. Eks-prezident bu barədə öz Facebook səhifəsində açıqlama yayıb.

Bundan əvvəl Saakaşvilinin anası Giuli Alasaniya bəyan etmişdi ki, eks-prezidentin qanında civə tapılıb. Həmin gün Saakaşvilinin vəkili Valeri Qelbaxiani Mixail Saakaşvilinin zəhərlənməsi ilə bağlı məlumat yayıb.

Ədliyyə naziri Rati Breqadze də açıqlama verib. Onun sözlərinə görə, idarə toksikoloji ekspertiza üçün Milli Ekspertiza Bürosuna müraciət edəcək.

Saakaşvilinin səhhətinin müstəqil monitorinqini aparan “Empatiya Mərkəzi” yaxın vaxtlarda əcnəbi həkimlərin apardığı müayinənin nəticələrini özündə əks etdirən növbəti hesabatı dərc edəcək.

Mixail Saakaşvilinin bəyanatı

“Bildirmək istəyirəm ki, heç bir vəkilimə zəhərlənmədən şübhələndiyimi deməmişəm. Bu mövzuda spekulyasiyalar yersizdir.

Mən tibb ictimaiyyətinə göstərdikləri dəstəyə görə təşəkkür etmək istəyirəm. Mən onların peşəkar köməyini çox yüksək qiymətləndirirəm. Səhhətim həqiqətən pisləşir və son iki ayda daha da pisləşib. [özəl klinikanın] Vivamed həkimləri mənə qulluq etməyə davam edirlər. Mütəxəssislərə etibar etmək və bu məsələni həddindən artıq siyasiləşdirməmək vacibdir.

Bir daha hər kəsə təşəkkür edirəm”, – eks-prezident yazır.

Hüquqşünasın izahatı

Daha əvvəl Saakaşvilinin zəhərləndiyini bildirən vəkil Valeri Qelbaxiani bu gün bildirib ki, Saakaşvilinin müdafiəçiləri daha zəhərlənmə ilə bağlı şərh verməməyə razılaşıblar.

“Mütəxəssislər birbaşa göstərirlər ki, zəhərlənməni xarakterizə edən əlamətlər biopsiya nəticəsində Mixail Saakaşvilinin bədənində aşkar edilmiş elementlərdir. Səhhətinin pisləşməsi baxımından onun xəstəliklərindən sonra gələn dinamika zəhərlənmədən danışmağa əsas verir, əks halda heç bir xəstəlik belə inkişaf etməzdi.

Əgər müddət Vivamed klinikasında qalma müddəti ilə üst-üstə düşürsə, təbii ki, klinika buna cavabdeh olacaq. Yaxud daha əvvəl yerləşdirildiyi yer”, – noyabrın 19-da Valeri Gelbaxiani “TV Pirveli”yə bildirib.

Lakin belə görünür ki, Saakaşvilinin bugünkü bəyanatından sonra bu mövzu ətrafında müzakirələr tamamilə dayandırılacaq.

Hökumət nümayəndəsinin bəyanatı

Mixail Saakaşvilinin vəkili onun zəhərlənməsi ehtimalı ilə bağlı açıqlama verib – ədliyyə naziri Rati Breqadze bildirib. Onun sözlərinə görə, qurum belə məlumatları yayan “istənilən şəxsi” ilk növbədə bu məlumatı yoxlamağa və müvafiq sübutlar təqdim etməyə çağırır.

Breqadzenin sözlərinə görə, heç kim belə bir nəticəni xüsusi xidmət orqanına təqdim etməyib.

“İctimaiyyətdə sual işarələrinin olmaması və eyni zamanda dövlətin əlindən gələni etməsi üçün sabah səhər Samxarauli Milli Ekspertiza Bürosu ilə əlaqə saxlayıb toksikoloji ekspertiza keçirəcəyik. İctimaiyyət Mixail Saakaşvilinin səhhətinin vəziyyəti haqqında tam və hərtərəfli məlumat almalıdır”, – deyə ədliyyə naziri bildirib.

• Saakaşvili huşunu itirib, amma sonra vəziyyəti stabilləşib
• Gürcüstanda Saakaşvilinin xəstəxanaya köçürülməsi tələbilə daha on siyasətçi aclıq elan edib
• Saakaşvili ətrafında baş verənlərə Bakı və Yerevandan niyə reaksiya yoxdur? – şərhlər

Saakaşvilinin səhhətinin əhəmiyyətli dərəcədə pisləşməsi 2022-ci ilin oktyabrında yenidən müzakirə olunub. Oktyabrın 6-da Saakaşvilini Dövlət Təhlükəsizlik Xidmətinin rəhbəri Temur Canaşiya ziyarət edib. Bundan sonra o, jurnalistlərə açıqlamasında eks-prezidentin özünü çox pis hiss etdiyini deyib: “Mixail Saakaşvili əslində artıq insan deyil, hərarəti 38-dir, təzyiqi 170-dir, yemək yeyib dərman qəbul edə bilmir, daim yataqdadır”.

Amerikalı ekspert Shaheen Lahan, Gürcüstanın üçüncü prezidentinə səfərindən sonra izah etdi ki, bütün tədqiqatlar “sağlam insanın normal sağlamlıq şəraitində olmamalı olan həyati göstəricilərin” kəskin çatışmazlığını göstərir.

Saakaşvilinin xarici vəkili Massimo Danqelo da klinikada ona baş çəkib. Onun sözlərinə görə, Saakaşvilinin səhhəti xeyli pisləşib. Vəkilin izah etdiyi kimi, Saakaşvilinin həyati əlamətləri yaxşılaşmağa başlamasa, bu, onun həyatı bahasına başa gələ bilər.

Gürcüstan Ombudsmanının təşəbbüsü ilə keçirilən müstəqil tibbi məsləhətləşməyə əsasən, 2022-ci ilin aprelində Gürcüstanın həbsdə olan keçmiş prezidenti Mixail Saakaşvilinin səhhətinin vəziyyəti xeyli pisləşib. Daha sonra ailə onun xaricə müalicə üçün köçürülməsini istəyib.

ABŞ-ın Gürcüstandakı səfiri Kelli Deqnan Gürcüstan hökumətini Xalq Müdafiəçisinin Gürcüstanın üçüncü prezidenti Mixail Saakaşvilinin səhhəti ilə bağlı tövsiyələrini ciddi qəbul etməyə çağırıb.

• Saakaşvili azad edilməli, növbədənkənar seçki keçirilməlidir – Tbilisidə etirazlar
• Saakaşvilinin səhhəti pisləşib. Həkimlər və ombudsmen nə deyir?
• “Mişaya azadlıq!” – Tbilisidə on minlərlə insan Saakaşvilinin azad olunmasını tələb edir

Saakaşvili bir ildən artıqdır ki, həbsdədir. Eks-prezident 2021-ci il oktyabrın 1-də gizli şəkildə Gürcüstana qayıtdıqdan sonra həbs edilib.

Gürcüstanın keçmiş prezidenti 12-ci Rustavi koloniyasında idi. O, özünü siyasi məhbus hesab edir və buna etiraz olaraq iki dəfə aclıq aksiyası keçirib. İlk aclıq aksiyası 51 gün davam edib.

Sonra Mixail Saakaşvilinin səhhəti o qədər pisləşdi ki, müalicəyə ehtiyacı oldu. Əvvəlcə Qldani həbsxanasının xəstəxanasına, daha sonra Qori hərbi hospitalına, nəhayət, Vivamed klinikasına köçürülüb və hələ də burada müalicə olunur.

Strasburq İnsan Haqları Məhkəməsinin 10 noyabr tarixli qərarı da var idi. Məhkəmə Mixail Saakaşvilini aclıq aksiyasını dayandırmağa çağırıb və dövlətə məhbusun təhlükəsizliyini və onunla adekvat rəftarı təmin etməyi tapşırıb.