Ermənistanda yol hərəkəti qaydalarının pozulmasına görə sürücülər daha sərt cəzalandırılacaq

İndi Ermənistanda sürücüləri yol hərəkəti qaydalarını pozmağa görə daha sərt cəzalandıracaqlar. Parlament ikinci və son oxunuşda dəyişiklikləri qəbul edib.

Artıq qayda pozucularını böyük məbləğdə cərimələr gözləyir – əvvəlkindən bir neçə dəfə yüksək. Məsələn, sürücülük vəsiqəsi olmadan sükan arxasına keçməkyə görə 25 min dram (təxminən 50 dollar) yox, 8 dəfə daha yüksək cərimə ödəmək lazım olacaq. Sərxoş maşın sürməyə görə, 150 min dram (təxminən 300 dollar) cərimə nəzərdə tutulub ki, bu da əvvəlkindən 5 dəfə yüksəkdir.

Sükan arxasında olan bütün yeni qaydalar haqda.

• Ermənistanın baş naziri 2021-ci ili “iqtisadi iddiaların bərpası ili” elan edib
• “Qan, tər, gözyaşı və səriştəli idarəçilik” – politoloqdan Ermənistanın böhrandan çıxış formulu

Bal itkisi

Yol hərəkəti qaydalarını pozanları yalnız cərimələr yox, həm də bal itkisi gözləyir.

2020-ci ilin yanvarından ölkədə “qanun pozuntusu – cərimə” yerinə başqa sxem qüvvədədir: “qanun pozuntusu – cərimə + cərimə balı”.

İş ondadır ki, Ermənistanda hər bir sürücü bir illik doqquz bal alır, ən kobud qayda pozuntularına görə həmin ballar silinir. 

İl ərzində 9 balın hamısını itirən sürücü yarım il müddətində sürücülük vəsiqəsindən məhrum olur. Bundan sonra o, yenə də 9 bal alacaq, amma onları da itirəndən sonra sürücülük vəsiqəsini bir illik itirəcək, bərpa üçün isə yenidən nəzəriyyə və idarəetmə imtahanı verməli olacaq.

Yeni qaydalara əsasən, sükan arxasında siqaret çəkən sürücü 0,5 bal itirəcək və 7 min dram (13 dollar) cərimə ödəyəcək. Sərxoş vəziyyətdə maşın sürməyə görə isə böyük cərimədən başqa, 4 balını da itirəcək, yəni olan balların yarısına yaxınş. Sürət həddini 50 km/saat aşanları da belə böyük bal itkisi gözləyir.

Yollarda “qırmızı zolaqlar”

Parlamentin qərarı ilə Ermənistan paytaxtında 12 inzibati mərkəzdən 10-da artıq avtomobil park etmək üçün ödənişli “qırmızı zolaqlar”olmayacaq.

Bu cür “qırmızı zolaqlarda” maşın saxlayarkən ilk 15 dəqiqə üçün ödəniş etmək lazım deyil. Amma daha sonrakı park müddəti sürücülərə saatı 100 drama (19 sentə) başa gəlir. Park haqqının ödənməməsinə görə cərimə 5000 dram (10 dollara yaxın) təşkil edir.

Bütün problem ondadır ki, ödəniş etməyən, amma maşınını “qırmızı zolaqlarda” saxlayan sürücüləri mobil kameralardan əldə edilən foto-görüntülər əsasında cərimələyirdilər. Amma bu fotolar maşınların orada ödənişsiz olan 15 dəqiqədən artıq dayandığını sübut etmir.

İndi isə sürücüləri orada 15 dəqiqədən artıq dayandıqlarını sübut edən videolar olduğu təqdirdə cərimələmək mümkün olacaq.

Sosial şəbəkələrdə nə yazırlar?

Yol hərəkəti qaydalarını pozduqlarına görə sürücülərin daha sərt cəzalandırılmasına Facebook-un Ermənistan seqmentinin istifadəçiləri birmənalı yanaşmaylb. Bəziləri bunun yollardakı vəziyyətin yaxşılaşmasına səbəb olacağını güman edərək sevinib, digərləri parlamenti sürücülər hesabına “varlanmaq” istəyində günahlandırıb.

Bəzi şərhlər:

“Çoxdan lazım idi! Bəlkə heç olmasa, yüksək cərimələr həm öz, həm də bizim həyatlarımızla risk edən başabəla sürücülərimizi ağıllandırar”.

“Bu sərtləşmələr yerinə yol polisi normal iişləməyə başlasa, daha yaxşı olardı!”

“Ölkədə bütün probllemlər həll olunub, sükan arxasında siqaret çəkənlər qalıb…”

“Ötən hakimiyyət zamanı belə qərar qəbul olunsaydı, hamı bir ağızdan qışqırardı ki, hakimiyyət xalqı soymaq istəyir. Hərçənd elə belədir”.

“Yerevan yollarında hərəkətə heç nə kömək olmayacaq – nə cərimələr, nə ballar. Hamının sürücülük vəsiqəsini əlindən almaq və yenidən, ədalətlə imtahan vermək lazımdır!”