Rusiyanın yeni konstitusiyası: “əbədi” Putin, Tanrı və rus xalqının xüsusi rolu. Bütün bunlar nə deməkdir?
Rusiyanın yeni konstitusiyaya doğru bir addım atması qalıb – aprelin 22-də ümumxalq səsverməsində onu dəstəkləmək.
Bundan sonra Rusiya əsas qanunda Tanrının xatırlandığı, rus xalqının rolunun xüsusi qeyd edildiyi və Vladimir Putinin de-fakto ömürlük hakimiyytinin təmin olunduğu ölkə olacaq.
Ömürlük prezident və Tanrı necə konstitusiyada yer alıb?
2020-ci il martın 16-da Konstitusiya Məhkəməsi Rusiya prezidenti Putinin yanvarda təklif etdiyi konstitusiya dəyişikliyini təsdiqləyib.
Onları xüsusi işçi qrup hazırlayıb. Bu işçi qrupun tərkibi ilə bağlı Rusiya cəmiyyətində çox sual vardı, çünki bu qrupa müğənnilər, idmançılar və hüquqşünaslıqdan uzaq olan digər insanlar daxildir.
Əsas dəyişikliklər:
•Dövlət Duması baş naziri və hökumətin bütün tərkibini təsdiq etmək səlahiyyətinə sahib olacaq.
•Rusiya konstitusiyası beynəlxalq hüquq üzərində prioritetə sahib olacaq.
•Tanrı xatırlanıb.
•Rus xalqının rolu xüsusi qeyd edilib.
•Nikah anlayışı kişi və qadının izdivacı kimi təsbit olunub.
Və ən əsası:
Prezidentlik müddətinin sayı ilə bağlı maddədən “ardıcıl” sözü çıxarılacaq, həmçinin bu müddətlərin hesabı yenidən başlayacaq, yəni “sıfırlanacaq”. Bu, Vladimir Putinə ən azı 2036-cı ilə qədər prezident kürsüsündə qalmaq imkanı verəcək.
•Bu dəyişikliklər Rusiya və bütün dünyada hüquqşünasları şoka salıb. Dəyişikliklər ümumrusiya səsverməsindən sonra qüvvəyə minəcək. Referendum aprelin 22-də olmalı idi, amma koronavirus epidemiyasına görə tarixi dəyişə bilərlər.
•Ruslar konstitusiyada əsas xalq olacaq?Rusiya və Səudiyyə Ərəbistanı neft bazarında qiymət müharibəsinə başlayıb. Dünyada ən
•çox kim ziyan çəkəcək?“Kadırovu sevmək” – Çeçenistan lideri tanınmış rusiyalı blogerlərlə “yumoristik” videolarda çəkilir
Rusiya cəmiyyətində etiraz
Rusiyanın 120 nəfər tanınmış mədəniyyət xadimi təklif olunmuş dəyişikliklərlə bağlı bəyanatla çıxış edib.
“Biz baş verənləri RF-nin konstitusiya quruluşuna açıq qəsd və bir şəxsin – hazırkı prezident Vladimir Putinin xeyrinə hakimiyyətin qəsb aktı hesab edirik”, – məktubda deyilir.
Rusiyanın qabaqcıl hüquqşünasları və alimlərinin (o cümlədən də onlarla akademik, elmlər doktoru və professorun) imzaladığı digər açıq məktubda deyilir:
“Biz hesab edirik ki, ölkəmizin üzərini dərin konstitusiya böhranı və hüquqa zidd, anti-konstitusiya çevrilişi təhlükəsi alıb”.
Konstitusiya Məhkəməsinin qərarı ilə bağlı prezident Putinin yanında İnsan Haqları Şurasının keçmiş üzvü Yekaterina Şulman istehzalı şərhlə çıxış edib:
“Nadir hallarda qul ruhu və intellektual qorxaqlıq özünü yazılı mətndə bu qədər dolğun biruzə verir. Və bütün bunlar Roma hüquq terminalogiyasından istifadə edərək baş verir, hansının ki mənası haqda bu öz kölgəsindən qorxan barbarların az da olsa təsəvvürü yoxdur. Anlamıram, bu insanlar nəyə ümid ediblər? Onların peşəkar nüfuzu birdəfəlik sıfırlanıb”.
