Rusiyanın ölkəyə giriş zamanı məcburi test qərarı Abxaziyanı turistsiz qoya bilər
Rusiyanın koronavirus pandemiyasına görə tətbiq etdiyi yeni sərhədi keçmək qaydaları Abxaziyada turizm mövsümünü pozula bilər. Bundan başqa aydın deyil ki, Rusiya pasportları olan Abxasiya sakinləri Rusiyaya necə gedə biləcək. Hələ ki, buna Hakimiyyətin də cavabı yoxdur. Hələlik Abxaziya sakinləri və turistlər sərhədi azad şəkildə, heç bir əlavə tələb olmadan keçir, amma bu, istənilən vaxt dəyişə bilər.
Aprelin 15-dən istənilən nəqliyyatla Rusiyaya qayıdan zaman vətəndaşlar koronavirusa qarşı PCR-test verməlidir. Bunun üçün üç təqvim günü ayrılıb. “Rospotrebnadzor” – Rusiyanın istehlakçıların hüquqlarına görə cavabdeh olan, sanitar və digər məhdudiyyətlərin tətbiqinə görə səlahiyyətli qurumu belə qərar verib.
- Tənzimlənməmiş gürcü-abxaz münaqişəsi, nəticələr – Abxaziyada sorğu. Video
- Abxaziyanın Tkuarçal şəhəri – ayaqda qalmağa çalışan keçmiş kömür paytaxtı
- Abxaziyanın əsas biznesi – turizm necə qurulub?
Qurumun rəsmi Instagram səhifəsində yayınan bu məlumatın altında istifadəçilər onları ən çox maraqlandıran sualları veriblər. Beləcə çoxları Abxaziyadan qayıdan zaman test vermək lazım olub-olmadığını dəqiqləşdirməyə çalışıblar. Qurumdan bildirilib ki, Abxaziyadan gələndə də test vermək lazım olacaq.
Hazırda bu qurumun yeganə rəsmi şərhidir.
Rusiyalı turistlər əvvəlki qayda ilə Abxaziyaya gəlib-gedirlər, onlardan heç nə tələb olunmur. Amma “Rospotrebnadzor”un qaynar xəttindən cavab verirlər ki, Abxaziyadan qayıdan zaman PCR-test vermək lazımdır.
![](https://jam-news.net/app/uploads/2021/04/30707560_10156404555459581_8541434103306649600_n-1024x634.jpeg)
Sosial şəbəkələrin Abxaziya seqmentində “Rospotrebnadzor”un qərarı birmənalı qarşılanmayıb. Bəzilərini indən belə ikili vətəndaşlığı olan Abxaziya sakinlərinin sərhədi necə keçəcəyi, digərlərini turizm sahəsində nələr baş verəcəyi maraqlandırır.
Abxaziyanın “Abazq 999” turizm firmasının bələdçisi Linda Ampar bildirib ki, artıq aprelin 15-dən bura Abxaziyaya gəlməsi planlaşdırılan altı turist avtobusundan ancaq ikisi gələ bilib.
“Mən bu gün turistləri Abxaziyaya gətirə bilmədim, çünki bizim avtobuslarımız Rusiyada Respublikaya daxil olanda Rusiya tərəfində olan sərhədçilər turistlərə deyirdilər ki, bir günlük ekskursiyadan sonra onlar yenə də PCR-test verməli, üç gün təcrid şəraitində gözləməli, əks halda isə 15 min rubl (200 dollara yaxın) cərimə ödəməli olacaqlar. Adamlar soruşurlar ki, PCR-in pulunu kim ödəyəcək? Qiyməti 2500 rubldır (32 dollar), ekskursiyadan baha başa gəlir. Nə isə, biz hələ ki çaşqınlıq içindəyik”, – Ampar deyir.
Bununla belə, Linda Amparın sözlərinə görə, abxaz sürücülər və bələdçilər Rusiya Federasiyası istiqamətində sərhədi keçdikləri zaman heç bir çətinlik olmayıb – onlar Abxaziya pasportu ilə sərhədi keçiblər.
Bələdçinin sözlərinə görə, bu il turizm sahəsində çox aktivdir. Mövsümlərarası gələn qonaqların sayı hətta yay rekordlarını da üstələyib. Turizm sahəsindən başqa bu qərar digər sahələrə də təsirini göstərir.
“Abxaziya layihələri” tərəfdaşlığının əlaqələndiricisi və bloqer Kiril Bazilevski Facebook səhifəsində “Rospotrebnadzor” rəhbərliyi və qurumun qərarları ilə bağlı sərt tənqidi fikirlər paylaşıb.
“Belə təəssürat yaranır ki, bu qurumda əbləhlər və düşmən casusları toplaşıb və onların əsas vəzifəsi rusiyalıların həyatını mümkün qədər çox pisləşdirməkdir. Hüç cürə anlamaq mümkün deyil ki, bu və ya digər konkret qərarlar nəyə əsaslanır, amma tam aydındır ki, bu insanlar heç düşünmürlər ki, onların qərarları təcrübədə necə həyata keçiriləcək”, – Bazilevski yazır.
Hələlik yaranmış vəziyyətlə bağlı məsələ suallar cavablardan daha çoxdur. Abxaziya XİN-dən bildirilib ki, hazırda qurumda “Rospotrebnadzor”un qərarının Abxaziyaya necə təsir edəcəyinin aydınlaşdırılması üzrə iş aparılır.
Məqalədəki terminlər, toponimlər, fikir və ideyalar JAMnews–un və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews məqaləyə yazılan təhqir, təhdid, zorakılığa çağırış kimi dəyərləndirilən və ya başqa səbəbdən etik sayılmayan şərhləri silmək haqqını özündə saxlayır.