Rusiyalı deputat hesab edir ki, dövlət uşaqlardan və əlillərdən daha önəmlidir

Rusiyanın ən böyük şəhərlərindən biri olan Ekaterinburq Şəhər Dumasının deputatı Nikolay Kosarev Уралинформбюро-nun müxbirinin bir neçə sualına cavab verib. Nəticədə ortaya qalmaqal çıxıb.

Kosarev deyib ki, körpə və əlillər üçün ödənən yardımın bir həddi olmalıdır.

“Budur, məsələn, biz perinatal mərkəzlər yaradırıq, orada çəkisi 500 qram olan körpələri bəsləyirik. Sonrası da, mən hesab edirəm ki, çox vaxt biz sağlamlıq potensialı olmayan insanları törəyirik. Onlar əlildir, onlar xəstədir”, – deputat bildirib.

O həmçinin insult keçirən insanların çox vaxt əlil olmasından və “dövlətin boynunda qalmasından” şikayətlənib. Kosarev hesab edir ki, bu, ölüm həddinin azalması baxımından yaxşıdır, amma dövlət üçün əlavə yükə çevrilir.

Deputatın fikrincə, prioritet məsələ vaxtından tez doğulan uşaqların bəsləndiyi perinatal mərkəzlərin inşası yox, insanlarda “öz sağlamlığı qarşısında məsuliyyət hissi” tərbiyə etmək olmadılır.

Deputatın sözlərinə görə, onun özü “dövlətin qayğısını artırmamaq” üçün mütəmadi olaraq hamama gedir, ekoloji təmiz ərzaqlarla qidalanır və təbiət qoynunda dincəlir.