Rusiyada, Rostov şəhərində faciəvi yanğının əsas versiyası – yanğın torpağa sahib olmaq məqsədilə törədilib

Söhbət Rostovun tarixi mərkəzində yerləşən, daha çox köhnə özəl tikililərin olduğu rayondan gedir. Bu yerdə torpağın qiyməti həddən artıq bahadır, xüsusən də bir neçə başqa Rusiya şəhərləri ilə birlikdə Rostovun da qəbul etdiyi futbol üzrə dünya çempionatı ərəfəsində. (“Kavkazski uzel”in materialları əsasında)

Rusiya Fövqəladə Hallar Nazirliyi artıq bəyan edib ki, yanğına səbəb “xarici yanğın mənbəyi” olub, yəni yanğın törədilib.

Bu haqda yerli sakinlər Rostov vilayətinin qubernatoru Vasili Qolubevə müraciətlərində də deyirlər. Onların sözlərinə görə, bir neçə ay əvvəl onlara özlərini rieltor kimi təqdim edən insanlar müraciət edir, evlərini aşağı qiymətlərlə almağı təklif edir, əks halda yanğın törədəcəkləri ilə hədələyiblər.

Rostov mediası xəbər verir ki, yerli ən iri developerlərdən birinin həqiqətən də Nijeqorodsk küçəsində, yanğının baş verdiyi ərazidə çoxmərtəbəli kompleks tikmək planı varıydı.

İstintaqın baş verənlərlə bağlı hələlik yekun qərarı yoxdur.