Rusiya prezidenti Ermənistan və Rusiyanın milli valyuta ilə hesablaşmalara keçəcəyini istisna etmir

Rusiya Federasiyasının prezidenti Vladimir Putin Rusiya və Ermənistanın milli valyuta ilə – yəni dram və rublla qarşılıqlı hesablaşmalara keçəcəyini istisna etmir, bu da ticarətin genişlənməsinə və diversifikasiyasına yol açacaq.

Vladimir Putin bu haqda Ermənistan prezidenti ilə görüşünün yekunlarına dair açıqlama verərkən bildirib.

Hələ Avrasiya İqtisadi Birliyi yarandığı andan təşkilatın üzvü olan ölkələrdə vahid valyutanın tətbiqinin məqsədəuyğun olduğu müzakirə edilir.

Ermənistanın Siyasi və Beynəlxalq Araşdırmalar Mərkəzinin eksperti Ruben Mehrabyan hesab edir ki, vahid valyutanın yaradılmasında məqsəd iqtisadi inkişaf deyil, siyasi məsələdir – Putinin AAİB-i Sovet İttifaqına çevirmək ideyası.

İqtisadçı Tatul Manaseryanın fikrincə, vahid valyuta iqtisadi inteqrasiyanın ən yüksək dördüncü mərhələsinə çatmış ölkələr arasında tətbiq edilir. Buna qədər – 1.azad ticarət zonası, 2. gömrük ittifaqı, 3. ümumi bazar formalaşdırılmalıdır. İqtisadi, sosial, vergi-büdcə siyasəti unifikasiya edilmədən vahid valyutaya keçmək asan olmayacaq.

Ermənistan səfər əsnasında həmçinin RF baş naziri Dmitri Medvedyevlə də görüşüb.

Medvedyev qeyd edib ki, cari problemlərdən asılı olmayaraq, iki ölkə arasındakı ticarət dövriyyəsi artıb. Əsasən də Ermənistandan Rusiyaya idxal edilən kənd təsərrüfatı məhsullarının həcmi artıb. Rusiya baş nazirinin fikrincə, Ermənistandan idxalın artımı respublikanın inteqrasiyasının artıq “öz bəhrəsini verdiyinə” şahidlik edir. Mahiyyət etibarilə söhbət Ermənistanın AAİB üzvlüyü haqda gedir.