“Küçələrə çıxın!” Rusiyalı müxalifətçi Navalnı həbs edilib və tərəfdarlarını etirazlara səsləyir
Örən gün Rusiyaya qayıdan və aeroportda saxlanılan rusiyalı müxalif siyasətçi Aleksey Navalnı 30 sutkalıq həbs edilib və onu daha uzun müddətə həbsə göndərəcək məhkəməni gözləyir. Qərb ölkələrinin liderləri Navalnının həbsini qınayıblar və onun dərhal azad olunmasını tələb edirlər, Moskvaya qarşı yeni sanksiyalar haqda çağırışlar səslənir. Navalnı tərəfdarlarını küçələrə çıxmağa səsləyib.
Navalnı “Noviçok” kimyəvi silahı ilə zəhərlənəndən sonra müalicə aldığı Almaniyadan qayıdarkən yanvarın 17-də axşam Moskvanın Şeremetyev aeroportunda həbs edilib. O, zəhərlənməsində Rusiya hakimiyyətini ittiham edir.
Rusiyanın «Новая газета» nəşrinin verdiyi məlumata əsasən, məhkəmə Cəzalarının İcrası Xidmətinin tələbi ilə Navalnı haqda həbs qərarı çıxarıb – qurumun fikrincə, Navalnı “Ives Roche işi” üzrə aldığı şərti cəzanın şərtlərini pozub, Almaniyada müalicədə olduğu müddətdə o, Cəzaların İcrası Xidmətində gündəlik qeydiyyatdan keçməyib.
Fevralın 2-də məhkəmə Navalnı haqda şərti cəzanın həbs cəzası ilə əvəzlənməsi məsələsinə baxacaq.
- 2020-ci ildə Rusiya feyklərinin TOP-7-i – Avropa ekspertlərinin icmalı
- “Mən insanları tanımırdım və danışa bilmirdim” – Navalnı necə sağ qaldığı haqda danışıb
- Artıq Putin Rusiyada ömürlükdür, ruslar isə federasiyada əsas xalqdır. Konstitusiya dəyişdi
Məkkəmə zalı əvəzinə iclas polis şöbəsinin binasında baş tutub. DİN nümayəndələri bunu Navalnının koronavirus testi verməməsi ilə izah ediblər.
Navalnının özü isə polis şöbəsində baş verənləri hərcmərclik adlandırıb.
“Bu bunker oğruları ən çox nədən qorxurlar? Siz özünüz bunu yaxşı bilirsiz, insanların küçələrə çıxmasından. Odur ki, qorxmayın, küçələrə çıxın, mənnə görə yox, özünüz üçün və öz gələcəyiniz üçün çıxın”, – Navalnı çağırıb.
Navalnını dəstəkləmək üçün polis şöbəsinin ətrafına onlarla tərəfdarı toplaşıb. Sankt-Peterburqda ona dəstək piketi zamanı 30 nəfərdən etirazçı saxlanılıb.
Onun qərargahının nümayəndələri yanvarın 23-də Navalnının azad edilməsi tələbi ilə etiraz aksiyasının keçiriləcəyini anons ediblər.
Qınaq dalğası
Qərb ölkələrinin liderləri və beynəlxalq təşkilatların rəhbərəri praktiki olaraq yekdilliklə Navalnının saxlanılmasını qınayıb və rusiyalı müxalifətçinin dərhal azad edilməsini tələb ediblər.
Avropa Komissiyasının rəhbəri Ursula fon der Leyen bildirib ki, “siyasi opponentlərin saxlanılması Rusiyanın beynəlxalq öhdəliklərinə ziddir”.
Avropa İttifaqının xarici siyasət qurumunun rəhbəri Jozep Borrel də Navalnının saxlanılmasını pisləyib və əlavə edib ki, Avropa İttifaqı “hadisələrin inkişafını diqqətlə izləyəcək və Rusiyaya münasibətdə siyasətin formalaşdırılması zamanı onları diqqətə almağa davam edəcək”.
Almaniya kansleri Angela Merkel adındanfederal hökumətin mətbuat katibi Şteffen Zaybert bəyanatla çıxış edib.
“Rusiya orqanları kimyəvi silah tətbiq olunmaqla sui-qəsd qurbanını saxlayıb”, – o qeyd edib və Navalnını dərhal azad etməyə, “Rusiya ərazisində kimyəvi silahdan istifadə ilə edilən hücumun detallarını tam aydınlaşdırmağa” çağırıb.
Böyük Britaniyanın xarici işlər naziri Dominik Raab da Moskvaya döyüş məqsədli zəhərli maddə tətbiq etməklə bağlı ittihamı xatırladıb.
Çexiya xarici işlər naziri Tomaş Petrşiçek Navalnının saxlanılmasını siyasi motivli təqib aktı kimi qınayaraq bildirib ki, Rusiya hakimiyyətinə qarşı yeni sanksiyalar məsələsini Aİ ölkələrinin xarici işlər nazirlərinin növbəti görüşündə həmkarları ilə müzakirə edəcək.
BMT-nin insan haqları üzrə Ali komissarı Mişel Baçelet də Navalnını azad etməyə çağırıb.
Navalnının saxlanılmasını ABŞ-ın hər iki administrasiyası – gedən və gələn pisləyib.
“Biz dərin narahatlıqla qeyd edirik ki, onun saxlanılması Navalnını və digər müxalifət xadimlərinin növbəti susdurması cəhdidir”, – ABŞ-ın Tramp abministrasiyasındakı dövlət katibi Pompeonun bəyanatında deyilir.
Seçilmiş prezident Co Baydenin milli təhlükəsizlik üzrə müşaviri Ceyk Sallivan isə bildirib ki, Navalnı dərhal buraxılmalıdır, onun həyatına dəhşətli sui-qəsddə günahkar olanlar isə məsuliyyətə cəlb olunmalıdır.
Rusiyanın reaksiyası
Navalnının həbsinə beynəlxalq reaksiyanı Rusiya xarici işlər naziri Sergey Lavrov şərh edib və qərbli tərəfdaşların iddialarını rədd edib.
“Biz Navalnının Rusiyaya qayıdışı haqda dünənki xəbərdən necə yapışdıqlarını gördük. Açıq hiss olunur ki, necə sevinclə kopyalanmış şərhlər yağır. Sevinclə, çünki görünür ki, bu, qərb siyasətçilərinə bu yolla liberal inkişaf modelinin düşdüyü dərin böhrandan diqqəti yayındıra biləcəklərini düşünmək imkanı verir”, – Lavrov bildirib.
