Fevralın 1-dən Ermənistan vətəndaşları mənfi nəticəli koronavirus testilə Rusiyaya gedə biləcəklər
Ermənistan vətəndaşları fevralın 1-dən yenidən Rusiyaya gedə biləcəklər. Sərnişin avia-daşımalarının bərpası haqda yanvarın 27-də baş nazir Nikol Paşinyan bildirib.
Sərhədi küçmək üçün Ermənistan vətəndaşlarıtelefona “Koronavirussuz səyahət edirəm” əlavəsi yükləməli və testin mənfi nəticəsini daxil etməlidir.
- Ermənistanda karantin yarım il uzadılıb və fevraldan koronavirusa qarşı vaksinasiya başlayacaq
- Toylar qadağandır: Azərbaycanda bu nə deməkdir
Yeni qaydalar
“2020-ci ildən koronavirusa görə səfərlərə müəyyən məhdudiyyətlər tətbiq edilib, bununla da əlaqədar olaraq bizim soydaşlarımızRusiya ilə hava əlaqəsinin bərpası haqda məsələ qaldırırdı, çünki bu, müəyyən sosisl komponenti olan məsələdir. Bizim bir çox soydaşlarımız işləmək üçün Rusiyaya gedir”, – Paşinyan Nazirlər Kabinetinin iclasında bildirib.
Baş nazirin sözlərinə görə, ötən ildən rusiyalı tərəfdaşlarla və AAİİ üzrə həmkarlarla bu məsələ ilə bağlı danışıqlar aparılıb və nəhayət, konkret nəticə əldə edilib – “COVID-19-suz səyahət edirəm” proqramı işə salınıb. Ermənistan və Rusiya hökumətləri artıq bu qərarı təsdiqləyiblər.
Giriş icazəsi Avrasiya İqtisadi İttifaqının üzv ölkələrinin vətəndaşları üçün fevralın 1-dən martın 1-ə qədər qüvvədə olacaq.
Avrasiya İqtisadi İttifaqı Rusiyanı liderliyi altında fəaliyyət göstərən qurum Ermənistan, Belarus, Qazaxıstan və Qırğızıstanı birləşdirir. Təşkilat öz üzvlərinə işçi qüvvəsinin, malların, xidmətlərin və kapitalın azad hərəkətini təmin edir.
Rusiya hökumətinin sərəncamında deyilir ki, bu dövlətlərin vətəndaşlarına Ermənistan və Belarus ərazilərindən girişə icazə veriləcək.
Bu sərəncama əlavədə AAİİ üzvləri olan ölkələrin vətəndaşlarının müvəqqəti olaraq Rusiyaya daxil olmalarına icazə verildiyi konkret aeroportlar göstərilib.
Moskvanın Domodedovo, Şeremetyevo və Vnukovo aeroportları, o cümlədən də Sankt-Peterburq, Soçi, Novosibirsk, Krasnodar, Krasnoyarsk, Kalininqrad, Yekaterinburq, Kazan və Qroznı qeroportları siyahıya daxil edilib.
Ermənistan vətəndaşlarının Rusiyaya səfər məqsədləri haqda
Rusiya Turizm İndustriyası İttifaqının mətbuat katibi İrina Tyurina Ermənistan vətəndaşlarının Rusiyaya ən çox gəlmə səbəbləri ilə bağlı statistika təqdim edib. Onun sözlərinə görə, 2019-cu ildə Rusiyaya Ermənistandan ümumilikdə 816 min nəfərdən çox insan gəlib.
“Ən çox şəxsi məqsədlərlə gəliblər – 410,8 min nəfər. İkinci yerdə bizə işləmək üçün gələnlər dayanır – 170,4 min. Ardınca işgüzar məqsədli qonaqlar gəlir – 145,7 min nəfər. Qeyd etmək lazımdır ki, turizm məqsədilə Rusiyanı 12,6 min nəfər Ermənistan vətəndaşı ziyarət edib”.
