Rusiya Ali Məhkəməsi “Yeqova Şahidlərinin” fəaliyyətini qadağan etdi

Rusiya Federasiyası Ali Məhkəməsi “Yeqova Şahidlərinin İdarə Orqanı” təşkilatı ilə bağlı qərar çıxararaq onu ekstremist təşkilat elan edib və fəaliyyətini qadağan edib. Məhkəmə qərarına görə, təşkilat ləğv olunacaq, əmlakı isə dövlət hesabına müsadirə ediləcək.

Təşkilat üzvləri məhkəmə hökmündən şikayət etmək niyyətindədirlər.

– “Yeqova Şahidləri İdarə Orqanı” “Yeqova Şahidlərinin”  Rusiyadakı mərkəzi təşkilatıdır. Onu ləğç etməklə RF Ali Məhkəməsi bu dini cərəyan nümayəndələrinin fəaliyyətinə faktiki olaraq son qoydu.

– İlkin olaraq “Yeqova Şahidlərinin” fəaliyyəti bu ilin mart ayında RF Ədliyyə Nazirliyi tərəfindən qadağan edilmişdi. Nazirlik nümayəndələrinin bəyanatına əsasən təşkilat ekstremist ədəbiyyatının yayımı ilə məşğul olurmuş. Bundan sonra iş araşdırılmaq üçün məhkəməyə göndərilmişdi.