Qarabağ. Təmas xəttində yenə vəziyyət gərginləşir

 Ermənistanın məlumatı

Dağlıq Qarabağ Müdafiə Nazirliyinin mətbuat xidməti xəbər verir ki, iyulun 4-ü təmas xəttində Azərbaycan SQ atəşkəs rejimini yenə pozub, “müxtəlif kalibrli minaatanlar, təxminən saat 20:20-də isə təmas xəttinin cənub istiqamətini TR-107 yaylım atəşli reaktiv sistemlər tətbiq edib”.

Məlumatda o da bildirilir ki, ötən ilin aprel ayında gərginliyin eskalasiyasından sonra Azərbaycan ilk dəfədir ki, bu silahlardan istifadə edir.

Ermənistan mediası NK Müdafiə Nazirliyinin bəyanatını dərc edir: “Artsax Respublikasının Müdafiə Nazirliyi baş verənləri müvafiq beynəlxalq təşkilatların diqqətinə çatdırır və Azərbaycan tərəfinə xəbərdarlıq edir ki, cavab ölçüyə gəlinməz olacaq”.

Azərbaycanın məlumatı

Azərbaycanın Müdafiə Nazirliyi məlumat verir ki, Füzuli rayonunun Alxanlı kənd sakinləri 50 yaşlı Quliyeva Sahibə və 2 yaşlı Quliyeva Zəhra bu axşam 82 mm və 120 mm kalibrli minaatanlardan, həmçinin lafetli qranatatanlardan açılan atəş nəticəsində həlak olublar. Daha bir qadın Quliyeva Sərvinaz qəlpə yarası alıb.

“Azərbaycaq Silahlı Qüvvələrinin cavab atəşilə düşmən hücumu dəf edilib. Qanlı təxribata görə məsuliyyət Ermənistanın hərbi-siyasi rəhbərliyinin üzərindədir”, – Azərbaycanın Müdafiə Nazirliyindən bildirilib.

Materialdakı terminlər, toponimlər, fikirlər və ideyalar JAMnews-un və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews materiala yazılan, təhqir, təhdid, zorakılığa çağırış kimi qiymətləndirilə bilən və ya başqa səbəblərdən etik sayılmayan şərhləri silmək haqqını özündə saxlayır.