4 dekabr 2020-ci il tarixində saat 12:00-da Azərbaycanda bir dəqiqəlik sükut elan edilib. İkinci Qarabağ müharibəsində Azərbaycan ordusunun həlak olmuş hərbçilərinin xatirəsi yad edilib.
Azərbaycan Müdafiə Nazirliyindən bildirildiyinə görə, 27 sentyabr 2020-ci il tarixində başlamış hərbi əməliyyatların nəticəsində Azərbaycan ordusunun 2783 hərbi qulluqçusu həlak olub.
Daha 100 hərbçi itkin düşmüş hesab edilir. 103 həlak olmuş hərbi qulluqçunun kimliyi DNT analizi ilə müəyyənləşdiriləcək.
Bundan başqa, yüzlərlə yaralı hərbçi hazırda ölkənin tibb müəssisələrində müalicə alır.
Azərbaycan prezidenti İlham Əliyevin sərəncamı ilə hər ilin 27 sentyabr tarixində İkinci Qarabağ müharibəsində həlak olanların Anım günü qeyd ediləcək. 8 noyabr tarixi isə ölkədə Zəfər günü elan olunub.
