Qarabağ ermənilərinin mənzil təminatı üçün Ermənistan 250 milyon dollar məbləğində kredit cəlb edəcək
Qarabağ ermənilərinin mənzil təminatı
Ermənistan Asiya İnkişaf Bankından 250 milyon dollar məbləğində kredit vəsaiti cəlb edəcək. Bu vəsait Dağlıq Qarabağdan köçmüş ailələrin mənzil təminatına dair dövlət proqramının maliyyələşdirilməsinə yönəldiləcək.
Proqram 2024-cü ildən icra olunur. 2025-ci ildə hökumət onun həyata keçirilməsi üçün 65 milyard dram (171 milyon dollar) ayırıb. Əmək və sosial məsələlər nazirinin müavini David Xaçatryanın sözlərinə görə, 2025-ci ildə proqram üzrə xərclər 40 milyard dramı (105 milyon dollar) ötəcək.
2023-cü ilin sentyabrında Azərbaycanın 10 ay davam edən sərt blokadasından, ardınca isə hərbi əməliyyatlardan sonra təxminən 120 min erməni öz doğma yurdunu tərk etməyə məcbur olub. İndiyədək 26 233 Qarabağ ermənisi Ermənistan vətəndaşlığı alıb. Bu isə proqram çərçivəsində dövlət yardımından yararlanmaq üçün məcburi şərtdir.
“Vətəndaşlıq üçün müraciət etmiş və hazırda müraciətləri baxılma mərhələsində olan vətəndaşların sayı 6696 nəfərdir”, – deyə David Xaçatryan bildirib.
- Paşinyan Bakıya Qarabağ ermənilərinin qayıdışı və “Qərbi Azərbaycan” mövzusunun bağlanmasını təklif edir
- Ermənistan və Azərbaycan nəyi müzakirə ediblər: Qarabağ münaqişəsinin tənzimlənməsinə dair sənədlər dərc olunub
- Qarabağ ermənilərinin qayıtması: Balasanyanın açıqlaması, maneələr və perspektivlər
Qaçqınların “sosial-iqtisadi inteqrasiyası” cəhdi
“Proqramın məqsədi Ermənistanda dayanıqlı, yaşama qabiliyyətli və inklüziv mənzil sisteminin formalaşdırılmasıdır. Bu, Qarabağdan olan qaçqın ailələrin sosial-iqtisadi inteqrasiyası və rifahı üçün zəruridir. Layihə mənzil siyasətinin uzunmüddətli inkişafına və onun icra mexanizmlərinin təkmilləşdirilməsinə yönəlib”, – deyə Əmək və sosial məsələlər nazirinin müavini David Xaçatryan bildirib.
O qeyd edib ki, proqram yalnız Asiya İnkişaf Bankından cəlb edilən vəsaitlər hesabına həyata keçirilməyəcək. Əlavə 16 450 000 dollar Güzəştli Maliyyələşdirmə üzrə Qlobal Fond tərəfindən ayrılacaq.
Parlament tərəfindən qəbul edilmiş qanun layihəsinə əsasən, əldə olunan vəsaitlərin paylanması üçün son tarix 31 dekabr 2030-cu ildir. Ermənistan hökuməti krediti 27 il ərzində ödəməlidir. İlk 10 il “güzəşt dövrü” kimi müəyyən edilib.
3810 ailə sertifikat alıb, 1631 ailə artıq mənzil əldə edib
Dövlətin mənzil yardımı proqramı çərçivəsində Qarabağdan köçənlər 2024-cü ildən etibarən mənzil almaq üçün sertifikatlar əldə edirlər.
İlkin hesablamalara görə, layihə çərçivəsində təxminən 25 min ailə mənzillə təmin olunacaq. Baş nazir Nikol Paşinyan bildirib ki, bu, dəyəri təxminən 2 milyard dollar olan investisiya layihəsidir.
Yardım ailənin hər bir üzvü üçün nəzərdə tutulur. Hər kəsə 3 milyon manatdan 5 milyon manata qədər vəsait ayrılır (7800-13 000 dollar). Məbləğ ailənin seçdiyi yaşayış yerindən asılı olaraq müəyyən edilir.
“Bu günədək 3810 ailə müraciət edib və mənzil almaq üçün sertifikat əldə edib, onlardan 1631-i artıq mənzil alıb”, – deyə Əmək və sosial məsələlər nazirinin müavini David Xaçatryan bildirib.
Asiya İnkişaf Bankı tərəfindən ayrılan vəsaiti hökumət “etnik erməni olan 109 min qaçqının mənzil problemlərinin uzunmüddətli həllinə” sərf etməyi planlaşdırır.
Qarabağ ermənilərinin mənzil təminatı
