Putinin canlı efiri: Ukraynaya və ABŞ-a məsləhətlər, həm də ət həddən artıq çoxalıb
Bu gün Rusiya prezidenti dörd saat ərzində canlı yayımda rusiyalıların suallarını cavablandırıb. Bu “canlı yayım” bir gün əvvəl baş tutmalıydı, amma izahatlar verilmədən bir gün sonraya təxirə salındı. Çoxları bunun Rusiyada kütləvi aksiyalarla bağlı olduğunu güman etdi.
Canlı yayımdan bir gün əvvəl Rusiya mətbuatında prezidentə sual verəcək adamlarla məşq edilməsi haqqında xəbərlər yayıldı.
Vladimir Putin aşağıdakı problemlərlə bağlı danışdı:
Ukrayna
Vladimir Putin hesab edir ki, Ukrayna federativ respublika olmalıdır, bununla da o, özünün milliyyətçilik problemini həll edəcək.
O həm də bu yaxınlarda Ukrayna üçün vizasız rejimin qüvvəyə minməsi ilə bağlı bəyanatı zamanı Mixail Lermontovun: “Əlvida, Rusiya…” şerini deyən Pyotr Poroşenkoya da cavab verdi. Buna cavab olaraq Rusiya prezidenti zarafat etməyə çalışdı ki, Ukrayna Avropada geylərin nüfuzunun artması ilə bağlı ehtiyatlı olmalıdır.
ABŞ
Vladimir Putin hesab edir ki, ABŞ-da baş verən daxili siyasi çəkişmələr nəticəsində rusofobiya artmaqdadır.
Onun fikrincə, ABŞ və Rusiyanın əməkdaşlığı silahlar üzərində nəzarət və ətraf mühitin qorunması sahəsində vacibdir.
Suriya
Vladimir Putin hesab edir ki, Rusiya ordusu bu ölkədə qiymətsiz təcrübə əldə edib və döyüş şəraitində yeni silahları sınaqdan keçirib.
Rusiyaya qarşı beynəlxalq sanksiyalar
“Rusiyanın tarixi göstərir ki, biz həmişə ayağa duranda sanksiyalar altında olmuşuq.. Krım və ya başqa problemlər olmasaydı Rusiyanı saxlamaq üçün başqa səbəb axtarıb tapardılar.
Bu, hamıya zərər yetirən ikitərəfli iti silahdır. Hərçənd biz beynimizi və istedadımızı işlədirik, ancaq neftə və dollardan istifadə etmirik. Donuz və quş o qədər artıb ki, satmağa yer axtarırıq”.
Vladimir Putin aşağıdakı problemləri şərh etMƏyib:
Müxalifət və korrupsiya ittihamları
Vladimir Putin hesab edir ki, dialoq ancaq mövcud problemlərin konstruktiv həllərini təklif edənlərlə mümkündür. O, iki gün əvvəl bütün ölkə boyu minlərlə insanın iştirak etdiyi mitinqləri təşkil etdiyinə görə otuz sutkalıq həbs edilən Rusiya etirazının lideri Aleksey Navalnının adını çəkmədi.
Bu çıxışların əsas mövzusu olan korrupsiya probleminə Vladimir Putin demək olar ki, toxunmadı.
