Polisi döyən Azərbaycan parlamentinin deputatı toxunulmazlıqdan məhrum edilib
Azərbaycan parlamentində məzuniyyət mövsümünün ortasında bir msələnin müzakirəsi üçün növbədənkənar iclas keçirilib. Deputatlar Milli Məclis üzvünün polis əməkdaşını döyməsi faktı üzrə cinayət işi qaldıran prokurorluğun sorğusu üzrə qərar qəbul etməli idi. Deputat Eldəniz Səlimov məhkəmə qarşısına çıxacaq.
- Gürcüstan: “Hətta diktatorlar da razılaşmalara əməl edir” – hakimiyyətin müxalifətlə razılaşmadan imtinası nə deməkdir?
- Azərbaycanlı deputat “Zəngəzur dəhlizi”ni icarəyə götürməyi təklif edib
- “Azərbaycanlı bloqer iki həftə əvvəl Tbilisidə özünü damdan atıb” – işin yeni təfərrüatları
2021-ci il iyulun 29-da Xaçmaz rayonu ərazisindəki restoranlardan birində gecə yarısından keçdiyi üçün polis əməkdaşları müəssisənin bağlanmasını tələb ediblər. Koronavirus pandemiyasına görə Azərbaycanda karantin rejimi ilə əlaqədar olaraq ictimai iaşə müəssisələri müştəriləri ancaq gecə saat 12-ə qədər qəbul edə bilər.
Restoranın müştərilərindən biri ölkə parlamentinin deputatı Eldəniz Səlimov olub, o, sərxoş vəziyyətdə hüquq-mühafizə orqanı əməkdaşlarının qanuni tələblərinə tabe olmaqdan imtina edib və onlardan birini – Xaçmaz RPŞ-nin qeydiyyat və pasport şöbəsinin əməkdaşı Zaur Mirzəyevi döyüb.
Səhəri gün deputatın polis əməkdaşını döyməsi haqda xəbər Azərbaycanda ən çox müzakirə olunan mövzuya çevrilib.
Daxili İşlər Nazirliyi faktla bağlı materialları Baş Prokurorluğa göndərib. Qurumda Azərbaycan Respublikası Cinayət Məcəlləsinin “vəzifə səlahiyyətlərini aşma” maddəsilə cinayət işi qaldırılıb. Amma parlament üzvünün məsuliyyətə cəlb olunması üçün onun deputat toxunulmazlığından məhrum edilməsi lazımdır. Bu səbəbdən Baş Prokurorluq Milli Məclisə sorğu ilə müraciət edib.
Azərbaycan parlamentinin 53 deputatı qanunverici orqanın növbədənkənar iclasının çağırılması tələbi altına imza atıb. İclasın gündəliyində ancaq bir məsələ olub – Erdəniz Səlimovun deputat toxunulmazlığından məhrum edilməsi.
Parlament iclası ərəfəsində günahkar deputat açıq məktubla ictimaiyyətə müraciət edib. O, prezident İlham Əliyevdən, “Yeni Azərbaycan” iqtidar partiyasının üzvlərindən, Milli Məclis deputatlarından və öz seçicilərindən üzr istəyib.
Eldəniz Səlimovun üzrxahlığına baxmayaraq, 2021-ci il avqustun 2-də parlament onun deputat toxunulmazlığından məhrum edilməsi haqda qərar çıxarıb.
Bundan dərhal sonra “Yeni Azərbaycan” iqtidar partiyası deputatı öz sıralarından xaric edib.
Hələlik Erdəniz Səlimov Milli Məclisin deputatı olaraq qalır və o, mandatdan məhruum edilməyib. Amma ekspertlərin böyük əksəriyyəti əmindir ki, bu, sadəcə zaman məsələsidir. Əgər Səlimov deputat mandatından da məhrum edilsə, Azərbaycan parlamentində artıq altı vakant yer olacaq.
Şərhlər
Deputat tərəfindən polis əmməkdaşının döyülməsi ilə bağlı hadisə sosial şəbəkələrin Azərbaycan seqmentində ən çox müzakirə olunan mövzuya çevrilib. Bəzi şərhləri təqdim edirik:
“Azərbaycan yeganə ölkədir ki, xalq “seçdiyi” deputatları siyasi fəaliyyətinə görə deyil, törətdikləri cinayətlərə görə tanıyır”.
“Polisi döyən deputatı partiyadan da qovublar. İndi seçki zamanı opponentindən oğurladığı mandatından məhrum edilməyi qalıb. Azərbaycanda polisləri döymək olmaz, çünki döymək işinə elə polis özü baxır”.
“Sizi əmin edirəm, əgər yuxarıdan qərar fərqli verilsəydi, deputatı yox, elə polisin özünü tutardılar. Bu dəfə belə qərar veriblər ki, Səlimov olmasa da olar”.
