"Opponentlərinizi həbs edərək demokratik mandant ala bilməzsiniz" - ABŞ Dövlət Departamenti

ABŞ Dövlət Departamentinin Gürcüstan barədə açıqlaması

Globalnews.ge nəşrinin məlumatına görə, ABŞ Dövlət Departamenti, Donald Trampın hakimiyyətə gəlməsindən sonra Gürcüstandakı siyasi vəziyyətlə bağlı ilk açıqlamasını verib.

Böyük Britaniya gürcüstanlı hakimlərə sanksiya tətbiq edib

Sənəddə hakimlərin mümkün korrupsiya əlaqələrinə istinad edilir

Globalnews.ge jurnalisti, Dövlət Departamentinin mətbuat katibi Temmi Bryusa Gürcüstanda baş verən hadisələrlə bağlı suallar ünvanlayıb:

“Sizin Gürcüstanın hakim partiyası ilə hər hansı bir danışıqlarınız olubmu? Əgər olubsa, bu əlaqənin necə qurulduğunu bizimlə paylaşa bilərsinizmi? Bildiyiniz kimi Gürcüstanda vəziyyət çox çətindir, gürcü xalqı və beynəlxalq ictimaiyyət parlament seçkilərinin nəticələrini tanımır. Dinc nümayişçilər həbs edilib, bir müstəqil jurnalist hal-hazırda həbsdədir. Bu şəraitdə, Gürcüstandakı cari vəziyyət haqqında fikirləriniz nədir?”

Dövlət Departamentinin nümayəndəsi cavab verib:

“Biz ABŞ maraqlarını inkişaf etdirmək məqsədilə Gürcüstanla əlaqədar siyasətimizi qiymətləndirməyə davam edəcəyik. Birləşmiş Ştatlar, Gürcüstan hökumətinin ABŞ ilə əlaqələri yaxşılaşdırmaq niyyətini göstərmək üçün atması lazım olan addımları aydın şəkildə bəyan edib.

“Gürcü Arzusu” hökumətinin davam edən anti-demokratik hərəkətləri ilə bağlı olaraq isə, Münhendə vitse-prezident Vensin qeyd etdiyi kimi, opponentlərə senzura tətbiq etməklə və ya həbs etməklə, eləcə də əsas seçiciləri görməzdən gəlməklə demokratik mandat əldə edilə bilməz. Birləşmiş Ştatlar, 33 ildir ki, Gürcüstan və gürcü xalqının tərəfdaşıdır və bütün bu müddət ərzində Gürcüstanın müstəqilliyini, suverenliyini və ərazi bütövlüyünü qəti şəkildə dəstəkləyir,” — Dövlət Departamentinin açıqlamasında deyilir.

Avropa Şurası Konqresi Gürcüstanla bağlı tənqidi qətnamə qəbul etdi

Konqres demokratik geriləmənin açıq əlamətlərindən və Gürcüstanın insan haqlarını zəiflətməsindən narahatlığını ifadə edir.

Qeyd edək ki, bu, ABŞ-ın yeni administrasiyasının Gürcüstanla bağlı verdiyi ilk açıqlamadır.

2024-cü ilin 24 noyabr tarixində ABŞ Dövlət Departamentinin saytında yayımlanan bəyanatda, Vaşinqtonun “Gürcü Arzusu”nun anti-demokratik addımlarına görə Gürcüstanla strateji tərəfdaşlığı dayandırdığını bildirilmişdi.

Xəbərlər, Gürcüstan