«Noviçok»dan yeni zəhərlənmə. Hazırda nə məlumdur?

İngiltərənin Eymsberi şəhərində iki yerli sakin xəstəxanaya düşüb. 45 yaşlı Çarli Rouli və 44 yaşlı Don Sterdjess İngiltərə polisinin fikrincə, əsəb sistemini iflic edən “Noviçok” maddəsi ilə zəhərlənib, BBC xəbər verir. Eymsberi dörd ay əvvəl zəhərlənən keçmiş rusiyalı keşfiyyatçı Sergey Skripal və qızı Yuliyanın yaşadığı Solsberi şəhərindən on kilometr aralıda yerləşir.

Britaniya polisi və Kimyəvi Silahın Qadağası üzrə Təşkilatın apardığı araşdırmalar göstərib ki, Skripallar SSRİ-də 1980-ci illərdə istehal olunan “Noviçok” maddəsindən zəhərləniblər. Britaniya hakimiyyəti Rusiyanı Skripalların zəhərləndirilməsində günahlandırır.

İngiltərə mətbuatına məlum olub ki, zəhərlənmədən əvvəl Rouli və Sterdjess Solsberidə olublar. Orada ticarət mərkəzinə və parka gediblər. Növbəti gün Skripallarda zəhərlənmədən sonra müşahidə olunan siptomlarla xəstəxanaya yerləşdiriliblər. Hazırda  Rouli və Sterdjessin vəziyyəti kritikdir.

ABŞ-da yaşayan sovet kimyaçısı Vil Mirzoyan hesab edir ki, Eymsberidən olan cütlüyün zəhərləndirilməsi yeni hücumdur. Onun sözlərinə görə, “Noviçok” bir neçə ay ərzində öz xassələrini saxlaya bilməzdi, çünki tez çürüyür. Mirzoyan SSRİ-də “Noviçok”un yaradılması barədə xəbər verən birinci adam olub.

Ekspertlər həm də hesab edirlər ki, Rouli və Sterdjessin zəhərləndiyi “Noviçok” onların toxunduqları əşyalardan birinin üzərində olub. Küçədə zəhər günəş şüaları və digər təbii hadisələrin təsiri altında tez təsirini itirir, onlar belə hessab edir.

Böyük Britaniyanın daxili işlər naziri Sadjid Cavid Rusiya hakimiyyətindən Eymsberidən olan cütlüyün zəhərlənməsini şərh etməyi tələb edir.