“Narkomanlar”ı və “quldurlar”ı azad etdilər

Prezidentin fərmanı ilə əfv olunan siyasi məhbuslar qəfil azadlıqları ilə nə edəcəklərini düşünürlər. Çoxlarına ilk növbədə səhhətlərini düzəltmək lazımdır. Digərləri adi həyatlarına qayıdıb, onların fikrincə həbslərinə səbəb olan fəaliyyətləri ilə məşğul olmağa hazırdılar.

Onlar siyasi məhbus deyillər

Azadlığa çıxanlar ən müxtəlif cinayətlərə görə məhkum edilib.

Anar Məmmədli

Seçkilərin monitorinqi və demokratiyanın tədrisi mərkəzinin rəhbəri Anar Məmmədli vergidən yayınma, qanunsuz sahibkarlıq və xidməti mövqedən sui-istifadə ittihamı ilə 5,5 il müddətinə azadlıqdan məhrum edilib.

Yadigar Sadıqlı

Müxalif “Müsavat partiyası sədrinin müavini Yadigar Sadıqov həmkəndlisini döyməkdə ittiham olunaraq, 6 il həbs cəzası alıb.

Məmməd Əzizov (“Nida İctimai Hərəkatı)

Məmməd Əzizov və vəkili Fərid Namazlı

Ömər Məmmədov (Nida)

“Nida fəalları 2013-cü ildə ordudakı özbaşınalığa qarşı etiraz mitinqində iştiraklarından dərhal sonra partlayıcı maddələrin hazırlanmasında və narkotik saxlamaqda ittiham olunublar.

Tofiq Yaqublu

Müxalif “Müsavat partiyası sədrinin müavini Tofiq Yaqublu İsmayıllı rayonuna səfərindən sonra həbs edilib, burada əhali yerli hakimiyyətin özbaşınalığına qarşı etiraz edirdi.

Rauf Mirqədirov həbsdə olduğu zaman mənzillərində aparılan axtarışın səhəri vəfat edən atasının qəbrini ziyarət edir

Jurnalist Rauf Mirqədirov həmin gün, martın 17-də apellyasiya məhkəməsinin qərarı ilə azad edilib, burada onun dövlətə xəyanətə görə real cəza müddəti şərti cəza ilə əvəz olunub. Azad olunmasından sonra ilk dəfə mətbuata şərh verən Mirqədirov bildirib ki, ona qarşı irəli sürülən ittihamlar məhkəmədə müdafiəçisi tərəfindən tamamilə təkzib edilib.

Rəsmi Bakı dəfələrlə həmin insanların siyasi məhbus olmadığını bildirib.

Dünyada reaksiya

Reporters Without Borders, Amnesty İnternational, Freedom House, Front Line Defenders, PEN America, World Organisation Against Torture, Article 19 və daha 14 beynəlxalq təşkilat qalan siyasi məhbusların da (cəmi yüz nəfərə yaxın) azad olunmasını tələb edir.

Amnistiya ilə bağlı qərarı ABŞ dövlət katibi Con Kerri, Avropa parlamentinin insan haqları və demokratiya üzrə vitse-prezidenti Aleksandr Lambsdorff, ATƏT parlament komissiyasının demokratiya və insan haqları üzrə sədri İzabel Santos və bir sıra digər siyasətçilər də alqışlayır.

Sosial şəbəkələr

Sosial şəbəkələrdə əfvlə bağlı sevincli reaksiyalar gəldi: hamı bir neçə gün ərzində bir-birini təbrik edərək, bu cür gözlənilməz “istiləşmənin nə ilə bağlı olduğunu müəyyən etməyə çalışır və ‘bəs qalanlarını nə vaxt azad edəcəklər?’ sualını verirdi.

“Bu xəbər məni çox sevindirdi. Total ədalətsizlik fonunda azca da olsa pozitiv bir şey.

«Əfvlə azad edilsələr də, siyasi məhbusların azadlığı üçün çalışan bütün vəkillərə təşəkkür düşür. Arzu edirəm, bu azadlıq xəbərini məhkəmə salonlarından eşitsinlər. Zəhmətləri heç vaxt hədər olmasın.

Media

Bu zaman televiziya səthi olaraq əfv haqqında məlumat verir və azadlığa çıxanların arasında siyasi məhbusların da olduğunu qeyd etmir.

Bundan bir qədər əvvəl başqa bir xəbər də belə verilmişdi: səhhətləri ilə bağlı azadlığa buraxılan siyasi məhbuslar Arif və Leyla Yunus məhkəməyə müalicə üçün ölkədən çıxmalarına icazə almaqla bağlı müraciət edəndə, onlara rədd cavabı verildi. Bu zaman AzTV telekanalı ancaq onların hakimiyyətə azad olunduqları üçün təşəkkür etdikləri barədə məlumat verərək, xahiş və rədd cavabı haqqında informasiyanın üstündən keçdi.

“Bu siyahıdan 14 nəfərin azad olunmasını hüquq-müdafiə təşkilatları xahiş ediblər, – bu da 1news.az xəbər portalının verməyə lazım bildiyi bütün məlumat.

“Onların arasında öz ictimai və siyasi fəaliyyəti ilə tanınan insanlar var, – apa.az reportajın sonunda qısaca əlavə edir. Maraqlıdır ki, bu xəbəri müşayiət edən videoda “Azadlıq radiosu tərəfindən çəkilmiş kadrlardan istifadə olunub, amma süjet elə montaj edilib ki, biz ancaq əfv olunanların qohumları ilə görüş anını görə bilirik.

azadliq.org saytının orijinal videosunda isə bundan sonra Tofiq Yaqublunun həbsdə olduğu vaxt dünyasını dəyişən qızının fotosunu öpdüyü kadrlar göstərilir. Sonra elə həmin süjetdə Yaqublu deyir ki, Azərbaycanda siyasi məhbusların olmaması ilə bağlı bütün fikirlər ağ yalandır və o bunu sübut edə bilər.

• Martın 17-də prezident İlham Əliyev 148 nəfərin əfv olunması haqda fərman imzaladı.
• 14 siyasi məhbus – məşhur jurnalistlər, hüquq müdafiəçiləri, fəallar və siyasətçilər azadlığa çıxdı.
• Məşhur araşdırmaçı jurnalist Xədicə İsmayıl və “ReAl İctimai Hərəkatının rəhbəri İlqar Məmmədov hələ də həbsdə qalır.