Məşqçi amili
Bu gün tez-tez deyirlər ki, müasir futbol məşqçilərin təkbətək döyüşünə çevrilib, qeyri-adi oyunçuların sayı azalıb, pul futbolun baxımlılığını itirib. Bununla belə, futbol azarkeşləri yenə də əvvəlki kimi, yeni mövsümlər, yeni oyunlar və ən əsası təkcə yeni oyunçuların deyil, həm də bugünkü futbolun əsas düşünən beyinləri, əsas aparıcı qüvvələri və bu gün müasir futbolda kifayət sayda olan məşqçilərin yeni transferlərini gözləyir. Hətta bu gün hansı məşqçinin komandasını dəyişməsi “Mançerster yunayted, “Real Madrid və ya “Mançester Sitinin hansı transferləri etdiyini izləməkdən daha maraqlıdır.
Bu il ingilislər xüsusiylə fərqləndi, onlar premyer liqaya elə məşqçilər dəvət etdilər ki, hamı Pol Poqbanın 106 milyon avroya “Mançester Yunaytedə qayıtmasını, indiki mövsümün həm də “Mançester Yunaytedin oyunçusu olan Zlat İbrahimoviçin karyerasında son mövsüm ola biləcəyini, “Yunaytedin əzəli düşməni olan “Mançester Sitinin yeni futbolçular almaq üçün 176 milyon avro xərclədiyini unutdu. Bu gün futbol sevərləri narahat edən əsas sual budur: – Mourinyo ilə Qvardiolo arasında böyük duelin qayıtması necə olacaq? Pep Qvardiolanın qalib gəldiyi birinci döyüş artıq baş tutub. Onun qələbəsi üstün olması ilə bağlı azacıq şübhə belə saxlamadı.
Bir çox mütəxəssislər indiki mövsümdə məhz Joze ilə Pepanın oyunlarını gözləyirlər, halbuki başqa komandaların məşqçi siyahılarını nəzərdən keçirsək, məsələnin kifayət qədər mürəkkəb olduğu aydın olacaq.
“Çelsi baş məşqçi vəzifəsinə müasir dövrün ən yaxşı mütəxəssislərindən biri, elə həmin vəzifədə İtaliyanın “Yuventus komandasının dirçəlməsində iştirak edən və bu yaxınlara qədər İtaliya yığmasına başçılıq edən Antonio Konteni dəvət edib.
“Liverpulu ötən il komandaya başçılıq etməyə başlayan, bu il isə “bu, mənim komandamdır deyən Yurqen Klop məşq elətdirir. Transferlər Sadio Mane və Jorjinyo Vinalduma Mersisdaylıları əməlli-başlı gücləndirdilər. Startları da gözəl oldu, onlar “Arsenal və ötən ilki ingilis möcüzəsi “Lester Siti üzərində qələbə çaldılar. Bununla belə, görünür ki, Klopun futbolçuları hələ də stabilliyə nail ola bilməyiblər, çünki premyer liqanın debütantı “Barnli ilə oyunda uduzdular.
Premyer liqada Maurisio Poçetinonun “Tottenhemi də diqqəti cəlb edir. Bu, tərkibində çoxlu sayda yüksək səviyyəli oyunçu olan gənc komandadır. Ronald Kumanın başçılıq etdiyi “Everton da mövsümü yaxşı başladı. Onun keçmiş “Sauthempton komandasını isə tanınmış fransız məşqçisi Klod Pyuel götürüb. Xalis İtaliya məktəbi mütəxəssisi, müdrik taktik Françesko Qvidolin “Suonsidə qaldı, məhz bu məşqçinin səyləri ilə “Suonsi ötən il mövsümdən çıxmadı. Daha bir italiyalı mütəxəssis, “Napoli və “İnterin keçmiş məşqçisi Valter Matsari “Uotvoru məşq elətdirir, bu da iddialı və ciddi bir addımdır, ilk baxışdan heç nə ilə diqqəti cəlb etməyən komanda bu mövsüm yaxşı oyun göstərməlidir. Bu, İngiltərə futbol liqası çempionatından qayıdan, Joze Maurinyonun keçmiş köməkçisi Aytor Karankanın başçılıq etdiyi “Middlsbroya da aiddir. Əfsanəyə çevrilən Toni Pulis də İngiltərədə qaldı, onun komandaları maraqsız və xoşa gəlməyən futbol oynasalar da, onlarla oyun heç kimə asan başa gəlmir. İndi də onun başçılığı ilə başqa komandaların əsəbləri ilə “Vest Bromviç Albion oynayacaq.
İllər keçir, premyer liqada çox şeylər dəyişir, sürpriz və yeniliklərin sayı artır. Amma “Lesterin ötən il çempion olması nəyə desəz dəyər. Amma bir şey daimi olaraq qalır – “Arsenalda heç nə dəyişmir. Eyni vəziyyətdir – zədə alan futbolçular, mənasız transferlər və “Arsenalın fanatlarının artıq açıq şəkildə səsləndirdiyi tələblərinə baxmayaraq, pensiyaya çıxmağa tələsməyən elə həmin Arsen Venqer.
Bu gün artıq daha yüksəkdə dayanan Avropa liqalarından heç də zəif olmayan, bəzi hallarda isə onlardan üstün olan İngiltərə futbol liqası çempionatında mübarizə də gərginləşib. Təkcə məşqçilərin adı nəyə desən dəyər: “Nyukaslda Rafael Benites, “Nottinqem Forestdə Fillipp Montanye (yəqin ki, Antuan Qrizzan və Karlos Vela ilə “Real Sosyedadı hamı xatırlayır, bu fransız məhz həmin komandanı məşq etdirirdi), “Lidsdə Harri Monk, “Norviçdə Aleks Nil, “Vulverhemptonda Valter Vzenqa və başqaları. İngiltərədəki turnir əvvəllər olduğu kimi bu mövsümdə də sürprizlə dolu və gərgin, bundan başqa da yaxşı məşqçilərin iştirakı ilə keçəcək.
Başqa ölkələr yaxşı məşqçi dəvət etmək mənasında fərqlənə bilmədilər. Adlı-sanlı və tanınmış məşqçilərdən deyəsən ancaq Karlo Ançelloti İngiltərə premyer liqasından kənarda qaldı. O, Münhenin “Bavariyasına başçılıq edir, bu professorun rəhbərliyi altında komanda elə bir start götürüb ki, kimin ona müqavimət göstərməsini təsəvvür etmək çətindir. Yəqin ki, Almaniyanın bu ilki çempionatında “Bavariya asanca qalib gələcək. 5 oyun, 5 qələbə, 20 qol və qapıdan bir dənə də olsun buraxılmayan top. Bu, “Papa Karlonun startıdır. İkinci yer uğrunda isə yəqin ki, Tomas Tuhelin “Dortmundu mübarizə aparacaq.
İspaniyada da heç nə dəyişməyib, “Barselonanın bir neçə anlaşılmaz transferini nəzərə almasaq – Pako Alkasar və Andre Qomeş “Valensiyadan, Samuel Umtiti “Liondan, Luka Din “Romadan, öz məktəbinin yetirməsi olan Denis Suares “Uilrealdan. Bu qədər. Əksər mütəxəssislərin fikrincə, bu transferlər gələcək planlarla bağlı həyata keçirilib, indiki mövsümdə isə Kataloniya qrandının ümidləri Messi-Neymar-Suares üçlüyü ilə bağlıdır.
Madridin “Realında da xüsusi dəyişikliklər olmayıb. Zizunun oğlanlarına “Yuventusdan qayıdan Morata və “Espanyoladan gəlib, artıq bir neçə gözəl qol vuran Asensio qoşulub.
Unai Emeri də klubunu dəyişib, “Sevilyadan “Pari Sen Jermenə keçib. Onu eksentrik argentinalı Xorxe Sampaoli əvəz edib, start da qəribə alındı, “Sevilya İngiltərədən qayıdan Kike Sançes Floresin rəhbərliyi altında “Espanyolaya 6-4 hesabı ilə qalib gəlib, sonra da son saniyələrdə bu mövsümdə çox gözəl oynayan “Las-Palmasın əlindən qələbəni alıb.
Zlatan İbrahimoviçsiz qalan “Pari Sen Jermenlə layiqli rəqabət aparacaq Leonardo və onun “Monakosunun adını ayrıca qeyd etmək lazımdır.
Payız başlayıb və premyer liqa, La Liqa və A seriyası (burada hər şey olduğu kimi qalıb, əsas hadisələr İquanın “Yuventus tərəfindən 93 milyon avroya alınması və Vinçentso Montellanın “Milanın baş məşqçisi təyin edilməsidir) yavaş-yavaş hərəkətə keçir, biz də məşqçilərdən hansının kimə qalib gələcəyini, onlardan hansının Special One olacağını gözləyirik.
Dərc olunub 21.09.2016
