İraq-İran sərhədində güclü zəlzələ olub

фото: REUTERS/Tasnim News Agency

Noyabrın 12-də  axşam saatlarında iki ölkənin sərhədində 7,3 bal gücündə çox güclü zəlzələ baş verib. İranda İraqa nisbətən zəlzələ qurbanları daha çoxdur. İran televiziyası 200-dən çox insanın həlak olduğunu, 1700 nəfərin xəsarət aldığını bildirir. Eyni zamanda İraq hökuməti 4 iraqlının öldüyünü, 50 nəfərin xəsarət aldığını deyir.

İraqın meteoroloji təşkilatı artıq öz ölkəsinin vətəndaşlarına müraciət edib. Təşkilatın nümayəndələri yerli televiziyada çıxış edərək, əhalidən hündür binalardan uzaq olmağı və liftlərdən istifadə etməməyi xahiş edib.

Fəlakət zonasına İran, İraq, və Türkiyə xilasediciləri göndərilib.

Region seysmik təhlükəli hesab olunur. Dünənki fəlakət son illər ərzində ən güclü fəlakətdir.