İranda casusluqda təqsirli bilinən azərbaycanlı sərbəst buraxılıb
İranda həbs edilən Fərid Səfərli
Azərbaycan vətəndaşı Fərid Səfərli İran həbsxanasından azad edilərək ölkəsinə qaytarılıb.
Bu barədə Dövlət Təhlükəsizliyi Xidməti (DTX) və Azərbaycan Xarici İşlər Nazirliyinin yanvarın 20-də yaydıqları birgə məlumatda deyilir.
- 20 Yanvar faciəsindən 35 il ötür
- Azərbaycanda polis maşınının törətdiyi qəza nəticəsində iki uşaq həlak olub
- “Toplum TV işi” üzrə daha bir jurnalist həbs edilib
“Azərbaycan Respublikası Prezidentinin tapşırığına uyğun olaraq, Azərbaycan Respublikasının vətəndaşı, 2023-cü ildə İran İslam Respublikasında saxlanılmış Səfərli Fərid Qabil oğlu beynəlxalq hüquqi əməkdaşlıq və qarşılıqlı prosedur çərçivəsində 18.01.2025-ci il tarixində İran İslam Respublikasından təhvil alınaraq ölkəmizə qaytarılmışdır. Fərid Səfərli tibbi müayinədən keçdikdən sonra ailəsinə qovuşmuşdur”, – DTX və XİN-nin birgə press-relizlndə qeyd olunur.
1997-ci il təvəllüdlü Fərid Səfərli Azərbaycan Diplomatik Akademiyasının İqtisadiyyat fakültəsini bitirib. Daha sonra Almaniyada “Friedrich-Schiller-Universität” – Yena Universitetinin magistr dərəcəsi üzrə tələbəsi olub.
2023-cü ilin martında o, birlikdə oxuduğu tanışı ilə görüşmək üçün getdiyi İranda yoxa çıxıb. Sonradan İran hakimiyyəti onun casusluq ittihamı ilə həbs edildiyini təsdiq edib.
Sonradan ona qarşı ittiham yumşaldılaraq “casusluq niyyətinə” tövsif edilib. 2023-cü ilin avqustunda Səfərli 2 il azadlıqdan məhrumetmə cəzasına məhkum edilib. Həmin ilin noyabrında İranın Apellyasiya Məhkəməsi hökmü qüvvədə saxlayıb.
Səfərlinin cəza müddətinin bitməsinə cəmi 2 ay qalmışdı.
İranda həbs edilən Fərid Səfərli
