Azərbaycanda ilk dəfə ikinci Qarabağ müharibəsində həlak olanların sayı açıqlanıb
Vətən müharibəsi zamanı Azərbaycan ordusunun 2783 nəfər hərbçisi həlak olub. daha 100 nəfər itikin düşmüş hesab edilir.
Azərbaycanın Müdafiə Nazirliyi sentyabrın 27-də münaqişə zonasında hərbi əməliyyatlar başlayandan bəri ilk dəfə Azərbaycan ordusunun həlak olan hərbçilərinin sayını açıqlayıb.
“Vətən müharibəsində Silahlı Qüvvələrimizin 2783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur”, – Müdafiə Nazirliyinin məlumatında deyilir.
Ölkənin tibb müəssisələrində 1245 nəfər yaralı hərbçinin müalicəsi davam edir – qurumdan bildirilib.
Müdafiə Nazirliyindən əlavə edilib ki, həlak olanların adları və rütbələri daha sonra dərc olunacaq. Xüsusi komissiya bu istiqamətdə işini davam etdirir.
