İctimai qrup Abxaziya Parlamentinə korrupsiya ilə mübarizə haqda qanun layihəsi gətirib
Abxaziyada adi vətəndaşlardan ibarət təşəbbüs qrupu korrupsiya ilə mübarizə haqda qanunun özünəməxsus variantını hazırlayıb.
Əvvəlcə sənəd sosial şəbəkədə yerləşdirilib və bütün arzu edənləri öz dəyişikliklərini təklif etməyə çağırıblar. Daha sonra üzərində işlənmiş sənəd parlamentə təqdim olunub.
Prosesin təşəbbüskarı Astamur Kakaliya olub. Hələ 2017-ci ildə o, vətəndaş fəallarından bir qrup yaradıb ki, bu qrup da Abxaziyada BMT-nin korrupsiyaya qarşı konvensiyasının ratifikasiya edilməsinə və qanunsuz varlanmaya görə cinayət məsuliyyətinin tətbiq edilməsinə nail olmaq niyyətindədir.
Qrupun hazırladığı qanun layihəsi bir neçə konkret tədbir təklif edir. O cümlədən də:
• Bütün vəzifəli şəxslər və ya bu vəzifəyə əvəz kimi təqdim olunan şəxs əmlakının və maddi varlığının qanuni olduğunu təsdiq edən sənədə sahib olmalıdır.
Bu vəzifəli şəxslər siyahısı qanun layihəsində geniş qeyd olunub – qulluqçudan tutmuş ölkə prezidentinə qədər.
• Gəlirlər və xərclər haqda deklarasiyada hər bir məmur yalnız öz gəlirlərini deyil, bütün yaxın qohumlarının gəlirlərini də qeyd etməlidir:valideynləri, həyat yoldaşları, övladları, qardaşları və bacıları, hətta bacı və qardaşlarının övladları və onların həyat yoldaşları.
• Vəzifəli şəxslər müstəqil şəkildə bütün əmlaklarının qanuniliyini sübut etməlidir.
• Əgər gəlirlər və xərclər haqda deklarasiyada daşınan və daşınmayan əmlak, qiymətli kağızlar və istənilən digər aktivlər məmur tərəfindən hədiyyə alındığı göstərilərsə, o zaman bu hədiyyəni kimin etdiyinə dair araşdırmalara başlanacaq. Bu yoxlamaya görə məsul qurum xüsusi korrupsiyaya qarşı komissiya olmalıdır
• Əgər qiyməti bir il ərzində əldə etdiyi rəsmi gəlirini aşan deklarasiyadan kənar əmlak aşkarlanarsa, bu əmlak əlindən alınıb, dövlət büdcəsinə verilməlidir.
• Əməkhaqqı dövlət büdcəsindən ödənən istənilən vəzifəni tutan və ya vəzifəyə irəli sürülən bütün şəxslərə bank hesabına sahib olmaq və ya Abxaziyadan kənardakı banklarda nağd vəsait və dəyərli əşyalar saxlamaq qadağandır.
Təşəbbüs qrupu artıq bir neçə dəfə parlament deputaatları ilə görüşüb və öz təşəbbüsünü təbliğ edib. Həmçinin sosial şəbəkələrdə də müzakirə davam edir.
Cəmiyyətdə belə “ictimai qanun layihəsi” ideyasını çox müsbət qəbul ediblər.
Bununla belə çoxları şübhə ilə yanaşır və hesab edirlər ki, belə qanun layihəsini qarlament heç vaxt qəbul etməyəcək. Xarakterik şərhlər:
“Suyun yanında olasan, bir içim içməyəsən?”
“Korrupsiyaçıların öz əli ilə korrupsuya ilə mübarizə mahiyyətcə perspektivsizdi. Cəmiyyətdə elitar korrupsiya və canilər – keçmiş və hazırkı ölkə rəhbərlərinin qohumları haqda ümumi susqunluq mövcud olduğu müddətcə hər şey olduğu kimi qalacaq”.
“Hakimiyyət elitasının tam dəyişdirilməsi lazımdır, məsələn, Ermənistanda olduğuu kimi, orada nəhayət, yüksək vəzifəli korrupsiyaçıları və onların cani qohumlarını tutmağa başlayıblar. Arılar heç cür bala qarşı ola bilməz axı”.
“Təşəbbüs qrupuna səmimi qəlbdən bu mübarizədə uğur diləyirəm. Onların bu qədər insanın diqqətini bu bəlaya cəlb etməsi və çox sayda “xadimi” narahat olmağa vadar etməsinin böyük anlamı var”.
