Gürcüstanın Rustaveli Teatrı Moskva qastrolunda, cəmiyyətin kəskin tənqidinə rəğmən
Rustaveli Teatrı Moskva qastrolunda
Gürcüstanın məşhur Rustaveli adına Teatrın truppasının 30 iyun, 1 və 2 aiyul tarixlərində Moskvada Çexov Festivalında iştirak edəcəyi haqda xəbər cəmiyyətin bir qismində qəzəb doğurub. Media və sosial şəbəkələrdə “teatrın işğalçı ölkəyə getdiyi” haqda danışılır və yazılır, bu səfəri xəyanət adlandıranlar da var.
“Bizim üçün Moskva tamaşaçılarına bizim son tamaşalardan birini göstərmək vacibdir. Bu, qeyri-adi pyesdir, müəllif də qeyri-adidir”, – Rusiya telekanalına müsahibəsində teatrın rəhbəri Robert Sturua deyib.
Tamaşa “Oyunun sonu” adlanır, quruluşçu rejissor Robert Sturuanın özüdür, əsas aktyor tərkibi: Nana Paçuaşvili, Qoqa Barbakadze, David Uplisaşvili, Levan Berikaşvili.
Gürcüstan quru sərhədlərini açır. Xarici qonaqlar üçün ətraflı bələdçi
Robert Sturua: “Özləri Gürcüstanı satıblar, indi də teatra mane olurlar?”
Cəmiyyətin tənqidinə reaksiya verərək teatr kollektivi bəyanat verib və bildirib ki, “Çexov festivalında bir çox ölkələr iştirak edir, o cümlədən də İspaniya, Argentina, Fransa, Ermənistan, Azərbaycam İsrail, İtaliya, Hindistan, Yaponiya”.
“Siz özünüz Gürcüstanı satmısız – David Qareci [ətrafında Azərbaycanla ərazi mübahisəsi gedən qədim monastır kompleksi], Abxaziya Qali [Abxaziyada əsasən etnik gürcülərin yaşadığı rayon — JAMnews], Samaçablo [Cənubi Osetiya — JAMnews]! İndi isə siz Rustaveli teatrının yolunu bağlayırsız?”
Mədəniyyət siyasətdən ayrılmalıdır? Hakimiyyətin və müxalifətin cavabları ziddiyyətlidir
Mədəniyyət naziri Tea Tsulukiani bildirib ki, “yaradıcı insanların fəaliyyətinə müdaxilə etməyə hüququ yoxdur və bunu etməyəcək”.
Deputat İrakli Kadaqişviliteatr truppasını dəsdəkləyib və deyib ki, “incəsənət həm də ölkənin vizit kartıdır, idmanı, mədəniyyəti və təhsili siyasətdən ayırmaq lazımdır”.
Amma müxalifət siyasətçi Xatiya Dekanoidze xatırladıb ki, “Krım və Donbasın işğalından sonra heç bir Ukrayna truppası heç vaxt Rusiyaya getməyib və işğalçı ölkədə çıxış etməyib. Normal dövlətçi təfəkkürü olan insanların bu cür addımları necə ata bildiyini anlamıram”, – Dekanoidze deyib.
