“Yeni seçkilər!” – Tbilisidə parlament binası qarşısında müxalifət etiraz edir. Foto

Gürcüstanın birləşmiş müxalifəti noyabrın 1-də parlament binası qarşısına iki minə yaxın insan toplayıb, orada demək olar ki, bütün partiyalarınn liderləri oktyabrın 31-də keçirilən parlament seçkilərinin nəticələrini tanımadıqlarını bildiriblər və yeni seçki elan olunmasını tələb edirlər.

 Gürcüstanda parlament seçkiləri – 2020. Nələri bilmək lazımdır?

Gürcüstan parlamenti necə seçib – günün xronikası, foto və video

Müxtəlif partiyaların nümayəndələri tribunadan hakimiyyətin seçkiləri saxtalaşdırdığını bildirirlər.

Müxalifət bildirir ki, permanent etiraz aksiyalarına başlamağı planlaşdırır. Yeni seçki təyin edilməzsə, birləşmiş müxalifətin yeni seçilmiş parlamenti boykot etməsi ehtimalı haqda da danışılır. 

Mərkəzi Rustaveli prospekti bağlanıb.

Parlament seçkilərinin nəticələri (bütün seçki məntəqələrində səslər sayılıb):

1. “Gürcü arzusu” iqtidar partiyası  — 48,05%.
   
2. “Milli Hərəkat – Birləşmiş müxalifət” — 27,07%.
   
3. Avropa Gürcüstanı— 3,79%.
   
4. “Vətənpərvərlər Alyansı” — 3,18%
   
5. “Lelo Gürcüstan üçün” — 3,17%
   
6. “Aqmaşenebeli strategiyası” — 3,15%
   
7. “Qirçi” — 2,92%
   
8. “Vətəndaşlar – Aleko Elisaşvili” — 1,34%.