Gürcüstan: müxalifət yeni mitinqə çağırır, hakimiyyətdə cinayət işlərinin qaldırılması haqda danışırlar
David Pipiya (Foto/video)
Gürcüstanda birləşmiş müxalifətin liderləri öz tərəfdarlarını oktyabrın 31-i baş tutmuş parlament seçkilərinin saxtalaşdırılmış nəticələrinə qarşı etirazı davam etdirmək üçün noyabrın 9-u 18.00-da Tbilisinin mərkəzi Rustaveli prospektində yığışmağa çağırıb.
Bir gün əvvəl, noyabrın 8-i Tbilisidə böyük mitinq keçirilib. Bu etiraz aksiyası axşam saatlarında su şırnağı və gözyaşardıcı qazla iki dəfə dağıdılıb. Bir neçə adam, o cümlədən “TV Pirveli” və “Formula” televiziya kanallarının jurnalistləri xəsarət alıb və xəstəxanaya düşüb.
- Tbilisidə minlərlə insan seçki saxtakarlığına etiraz edir. Fotoreportaj
- Gürcüstanda seçkilər: sayım, etiraz, boykot
Hakimiyyət müxalifət liderlərini iğtişaşı təşkil etməkdə günahlandırıb və onlardan bir neçəsinə qarşı cinayət işi açacağını vəd edib.
Gürcüstan hakimiyyətinin mövqeyi
“Gürcü arzusu” hakim partiyasının icraçı katibi İrakli Kobaxidze noyabrın 8-i axşam saatlarında brifinq keçirib. O həmin brifinqdə faktiki olaraq müxalif “Vahid milli hərəkat”ın (eks-prezident Mixail Saakaşvili yaradıb) liderlərindən biri olan Niki Meliyanın ünvanına ittiham irəli sürüb.
“Məhz Meliya 2019-cu il iyunun 20-si parlamenti almaq cəhdinə başçılıq edib. Bu hadisə ilə bağlı cinayət işi davam edir. Bu dəfə də o və mübarizə yoldaşları Mərkəzi Seçki Komissiyasına hücumun təşəbbüsçüləri olub”.
Kobaxidze bəyan edib ki, “tezliklə elə bir dövr gələcək ki, Gürcüstanda siyasətlə siyasətçilər məşğul olacaq, cinayətkarlarsa qanuna uyğun olaraq məhbəsdə oturacaq”. O hər kəsi “qanuna qarşı əməllərdən kənar durmağa” çağırıb.
Müxalifət nə deyir
Nika Meliya öz növbəsində deyib ki, hakim partiyanın lideri, oliqarx və Gürcüstanın kölgə hökmdarı Bidzina İvanişıvili “yalançı, saxtakar və hətta cinayətkardır”.
“Biz hamımız istəyirik ki, övladlarımız zülm və zorakılığın olmadığı azad Gürcüstanda yaşasın, buna görə də (noyabrın 9-da keçiriləcək mitinqdə) təkcə müxalifət deyil, bütün xalq yığılmalıdır”, noyabrın 8-i axşam saatlarında Tbilisidə mitinq artıq dağıdılandan sonra Nika Meliya jurnalistlərə deyib.
“Qeyri-proporsional güc tətbiq olunub” – Gürcüstanın xalq müdafiəçisinin bəyanatı
Gürcüstanın xalq müdafiəçisi Nino Lomcariya noyabrın 8-i axşam MSK-nın binasının qarşısında baş verən hadisələr zamanı orada olub.
O, hökuməti mitinqi xəbərdarlıq etmədən dağıtmaqda günahlandırıb ki, bu da beynəlxalq standartların pozulmasıdır.
- Выборы в Грузии: советы оппозиции от экспертов и политиков
- Под контролем? Коротко о главном за четыре года предыдущего парламента Грузии. Видео
O, hökuməti mitinqi xəbərdarlıq etmədən dağıtmaqda günahlandırıb ki, bu da beynəlxalq standartların pozulmasıdır.
O həmçinin bəyan edib ki, polis “çox böyük, aqressiv və silahlı insan kütləsinin olmadığı” vəziyyətdə qeyri-proporsional güc tətbiq edib.
“Soyuq havada bu cür vəziyyətdə su şırnağndan istifadəni qəddar davranışa bərabər tutmaq olar”, – Lomcariya deyib.
O, hökumət və müxalifəti danışıqlara başlamağa çağırıb.
Gürcüstanda komendant saatında koronavirusa yoluxmanın kəskin şəkildə artması
Gürcüstanda ağır epidemiya vəziyyəti stabil qalır. Hər gün üç minədək yeni yoluxma aşkarlanır, səhiyyə sistemi vəziyyətə tamamilə nəzarət edə bilmir. Sosial şəbəkələrdə çoxları yazır ki, hətta telefonla belə tibbi yardım ala bilmir.
Noyabrın 9-dan Tbilisidə və daha altı iri şəhərdə komendant saatı tətbiq edilib – 22:00-dan 05:00-dək küçəyə çıxmaq qadağan olunub.
2020-ci il oktyabrın 31-i Gürcüstanda keçirilmiş parlament seçkiləri haqqında
Oktyabrın 31-i Gürcüstanda keçirilmiş parlament seçkilərinin rəsmi nəticələrinə görə, “Gürcü arzusu” partiyası üçüncü dəfə hakimiyyətdə qalıb. Əldə olunan mütləq üstünlük ona hökumət üzvlərini müstəqil şəkildə təyin etməyə imkan verir.
Lakin 2012-ci ildə “Gürcü arzusu” hakimiyyətə gəldiyi dövrdən bəri müxalifət xeyli səs faizi toplayıb.
“Gürcü arzusu” hakim partiyası – 48,24 faiz
“Milli hərəkat – Birləşmiş müxalifət” – 27,15 faiz
“Avropa Gürcüstanı” – 3, 79 faiz
“Vətənpərvərlər alyansı” – 3,14 faiz
“Lelo” – 3,16 faiz
“Aqmaşenebeli strtaegiyası” – 3,15 faiz
“Girçi” – 2,89 faiz
“Vətəndaşlar – Aleko Elisaşvili” – 1,33 faiz
Müxalifət bəyan edib ki, hakimiyyət seçkinin nəticələrini saxtalaşdırıb. Parlamentə yer almış yeddi müxalifət partiyasının hamısı ondan imtina edib və yeni parlament seçkilərinin keçirilməsinə nail olmağa çalışır.
Gürcüstanda keçirilmiş seçkilərdə pozuntular nəticələrin ləğv olunması üçün əsas vermir – ABŞ səfirliyi
“Yeni seçkilər tələb edirik!” – Tbilisidə müxalifət etiraz edir. Fotoreportaj
Söhbət müxalifətin ondan oğurlandığını söylədiyi az faiz səsdən gedir. Amma məhz bu faiz hakim partiyaya hökuməti müstəqil şəkildə qurmağa imkan verməyəcəkdi.
Müxalifət seçki məntəqələrindən rəqəmlərin səhv olduğu bir neçə protokol təqdim edib. Məsələn, elə protokollar var ki, orada “Gürcü arzusu” seçicilərin orta sayından daha çox səsə malikdir.
Müxalifət və qeyri-hökumət təşkilatları həmçinin bir çox halda seçicilərin satın alınması və hədələndiyi barədə bəyan edir. Gürcüstanın xalq müdafiəçisi də bu barədə söyləyib.
Hərçənd beynəlxalq müşahidəçilər seçkilərin bu cür qiymətləndirilməsini dəstəkləmirlər. ATƏT-in, həmçinin ABŞ-ın Gürcüstandakı səfirliyinin müşahidəçilərinin bəyanatına görə, seçkilər qüsursuz keçməsə də, hədələmə və rüşvətxorluq halları baş versə də, əsas qaydalara əməl olunub.
