Gürcüstan prezidenti Saakaşvilini əfv edəcəkmi? Hamı ona müraciət edir: kim lehinə, kim əleyhinədir?

Tbilisidə Saakaşvilinin əfvinə qarşı mitinq

Dekabrın 28-də axşam Gürcüstan prezidenti Salome Zurabişvilinin Tbilisidəki iqamətgahı qarşısında Gürcüstanın eks-prezidenti Mixail Saakaşvilinin əfv edilməməsi tələbi ilə aksiya keçirilib. Mitinqi indiki hakimiyyətə sadiq vətəndaşlar təşkil edib.

Bir çox beynəlxalq və gürcü siyasi xadimləri və təşkilatları uzun müddətdir ki, Gürcüstan hakimiyyətindən ağır xəstə olan Saakaşvilinin xaricə müalicə üçün köçürülməsinə icazə verilməsini tələb edirlər. Digər məsələlərlə yanaşı, onu əfv etmək hüququ olan hazırkı prezidentə də aktiv müraciətlər olunur. İndiyə qədər Zurabişvili bunu etməyəcəyini açıq şəkildə bəyan edib.

Etirazçılar mümkün əfv fərmanına və Saakaşvilinin müalicə üçün xaricə köçürülməsinə qarşı olduqlarını bildiriblər.

Prezident Salome Zurabişvili etirazçıların qarşısına çıxaraq, onların “şüarlarında səmimi olmadığını” deyib:

“Siz bura bəzi adamlar tərəfindən yayılan şayiələrdən sonra gəlmisiniz. Amma maraqlıdır, mənim haqqımda şayiələr yayan o adamlar – 2007-ci ildə Saakaşvili dövrünün faciələri baş verəndə harada idilər? Mən küçədə dayananda onlar harada idilər? Mən sizə onların harada olduğunu söyləyəcəyəm. Bu gün şayiələri yayanlar ya Mişanın [Saakaşvilinin] qərargahında olublar, ya da yüksək vəzifələrdə”.

Bundan sonra prezident xüsusi brifinq keçirib və o, eyni ittihamları təkrarlayıb:

“Mənimlə əxlaqdan necə danışa bilərlər? Maraqlıdır, mənə nə öyrədə bilərlər?“

Prezident Salome Zurabişvilinin sözlərinə görə, Mixail Saakaşvilinin əfv edilməsi ilə bağlı əsas sualın cavabı “mümkün olan zaman veriləcək”.

Sonra vəziyyətlə bağlı öz baxışını təqdim etdi.

“Bu iki siyasi qüvvənin (iqtidar və müxalifət) ortaq cəhəti nədir? Onların hər ikisi Saakaşvilinin gəlməsi üçün şərait yaratdılar.

Bir qüvvə [Vahid Milli Hərəkat müxalif partiyası] qızışdırdı, onu gəlməyə dəvət etdi və inqilab vəd etdi ki, xalq küçələrə çıxacaq.

Sonuncu qüvvə [hakim Gürcü Arzusu Partiyası] isə gürcü xarakterinin özəlliklərindən istifadə edərək başqa cür qızışdırdı. Dedilər: “Qorxaq yox, qəhrəmansansa, gəl”.

Onun gəlişində hər iki siyasi qüvvə maraqlı idi və indi bunun səbəbi aydın olur. İndi bütün ölkə Mişanın ətrafında mübahisələr, müzakirələr, mübarizələr içindədir. Başqa mövzu yoxdur, başqa mövzudan danışmaq mümkün deyil”, – Zurabişvili bildirib.

“Məni karyeramla hədələyirlər, deyirlər, karyeramla vidalaşacam, bilmirəm, bəlkə neçə yaşım olduğunu unudurlar. Məni tanıyanlar həqiqətən bilirlər ki, məni yalnız bu ölkə və müstəsna olaraq onun Avropadakı gələcəyi maraqlandırır”, – Gürcüstan Prezidenti fövqəladə brifinqdə deyib.

• Mixail Saakaşvilinin görüntülərini Gürcüstan Penitensiar Xidməti yayıb
• “Atamın həbsdə ölməsinə imkan verməməliyik” – Gürcüstanın eks-prezidentinin oğlu
• Mixail Saakaşvilinin səhhəti məhkəmədə onun xeyrinə arqumentə çevriləcəkmi?

Artıq iki mindən çox adamın imzaladığı Mixail Saakaşvilinin əfv edilməsi haqdaı petisiya ilə bir qrup qadın Gürcüstan prezidentinə müraciət edib.

#SaveMisha – bu şüar altında Ukrayna Prezidentinin müşaviri Aleksey Arestoviç və hüquq müdafiəçisi və bloqqer Mark Feygin bütün dünyada insanları Mixail Saakaşviliyə dəstək aksiyası keçirməyə – yanvarın 4-də yerli vaxtla saat 12-14 arasında gəlməyə çağırır. Gürcüstanın dünyanın müxtəlif ölkələrindəki səfirliklərinə.

Həmin efirdə Aleksey Arestoviç qeyd edib ki, “Mixail Saakaşvili şou üçün həbsxanada məhv edilir” və tamaşaçıları qlobal aksiyada iştirak etməyə çağırıb, çünki “biz müasir dünyada bir insanla belə rəftar edilməsinə icazə verə bilmərik”.

Dekabrın 20-də Ukrayna prezidenti Vladimir Zelenski Gürcüstan hökumətini Mixail Saakaşvilini müalicə üçün xaricə köçürməyə çağırıb. Moldova prezidenti Maia Sandu da onun çağırışına qoşulub.

Cavabında “Gürcü Arzusu”nun sədri İrakli Kobaxidze qeyd edib ki, Zelenskinin bəyanatının əhəmiyyəti olmayacaq və Sandu “hələ də həbsdə olan Moldovanın altıncı prezidentinə [Moldovanın beşinci prezidenti İqor Dodonu nəzərdə tutur] daha yaxından nəzər salmalıdır”.

Bir neçə gün əvvəl Mixail Saakaşvili ukraynalı jurnalist Dmitri Qordona məktub göndərərək bildirib ki, amerikalı toksikoloqların hesabatına görə, Saakaşvili həbsxanada onu öldürməli olduğunu yazdığı zəhərli maddələrin qarışığından zəhərlənib. Bununla belə, Saakaşvili yazır: “Mən ölməmişəm, amma məndə hələ də bütün əlamətlər var və müalicə olunmasa, ölümlə nəticələnəcək”. Bu məktuba cavab olaraq Dmitri Qordon videomüraciət yayaraq Saakaşvilinin müalicə üçün xaricə köçürülməsini tələb edib.

Dekabrın 24-də Saakaşvili də rusiyalı hüquq müdafiəçisi Mark Feyqinə məktub yazıb və orada Putinin göstərişi ilə onu öldürmək istədiklərini qeyd edib. Saakaşvilinin rus dilində yazdığı məktubu Feyqin özünün “Twitter” səhifəsində yerləşdirib.