Gözəl qadın və müdhiş fikirlər
Gənc gürcü gözəli, potensial Kainat gözəli Janet Kerdikoşvili yerli telekanalın efirində məhrəm söhbətlər etdi. Gözəl qız dedi ki, ona kişilərlə bərabər hüquqlar lazım deyil, qadının evdə uşaqlarla oturması, kişinin isə pul qazanması onun üçün əla sxemdir. Nikahda kişinin sevməsi əsasdır, qadına nə var ki? O, onsuz da övladlarının atasını sevəcək… Ən əsası da kişinin xəyanəti boş şeydir, hər addım başı rast gəlinir, həqiqətən əxlaqsız və anlaşılmaz olan isə qadının xəyanətidir.
Theapricity.com
Janet patriarxal Gürcüstan üçün yeni bir şey söyləmədi, amma görünür zəif yerə toxundu, çünki ictimaiyyət silkələndi. Hər halda sosial şəbəkələr bu müsahibəni bir neçə gün ərzində müzakirə etdilər. Əksər istifadəçilərin – maraqlıdır ki, bunların arasında yalnız paytaxt və regionların sakinləri deyil, həm də hər iki cinsin nümayəndələri təxminən tənyarıydı – gözəlin dayaz fikirlərindən hiddətlənmişdilər. Təəssüf doğuram fakt odur ki, potensial Kainat gözəlini açıq-aşkar bullinqə məruz qoydular – onun gözəlliyi ilə ağlının nisbəti haqqında danışmayan çətin tapılardı.
Qadın təşkilatlarının lider və fəalları arasında fikirlər ayrıldı. Feminist xanımların bir hissəsi deyilənləri ciddiyə almamağı üstün tutur, yəni hesab edir ki, miss Kerdikoşvilinin öz şəxsi fikrini, onun necə olmasından asılı olmayaraq, bildirməyə tam haqqı var.
“Janetin istədiyi kimi yaşamağa haqqı var. İstəyirsə, qoy üç uşağı oldun, işləməsin və ərinə nikahdan kənarda seksual münasibətlərinin olmasına imkan versin. Əgər Janet öz ailəsində qərarlar qəbul etmək və bərabərlik istəmirsə, bu onun şəxsi seçimidir. O sadəcə patriarxal mədəniyyətin “yaxşı qadına qarşı sərt tələblərini təkrar edir, – Gürcüstanın qadın hərəkatının fəallarından biri, “Sapari İttifaqının rəhbəri Baya Pataraia müsahibəni və onun cəmiyyətdə doğurduğu səs-küyü belə şərh etdi.
Bu fikirlə ikinci cəbhənin fəalları tamamilə razı deyil.
“Gürcü televiziyasını bu cür “şəxsi fikirlər doldurub, -JAMnews-a jurnalist və Gürcüstanın qadın hərəkatının fəalı Qalina Petriaşvili dedi, – “Təsəvvür edin ki, kimsə reytinqli telekanalın efirində deyir: bu sizin yol hərəkəti qaydalarınız, hamısı boş şeydir! İşıqforlar yad bir təbliğatdır, çox gülməli görünür dirəkdə lampaların yanması! Necə, necə? İşıqfor? Hə də, sonra da yolayrıcısında sizin yaşıl işığın altından qeylər yürüş etsinlər? Elə şey yoxdur, qoy köhnə vaxtlarda olduğu kimi olsun, axı bizdə qədimdən belə olub ki, ciqit istədiyi kimi sürür. Kimsə piyadanı vursa da burada nə var ki. Gülməlidir? Amma bizim mediada qadın-kişi mövzusunda məhz bunlar baş verir və bu heç normal deyil. Buna görə də Gürcüstana KİV üçün genderle nizamlanan qanun lazımdır.
