Giorgi Kvirikaşvili Gürcüstanın baş naziri vəzifəsini tərk edib

Gürcüstanın baş naziri Giorgi Kvirikaşvili tutduğu vəzifədən istefa verib. Bu haqda o özü dövlət dəftərxanasında keçirilən mətbuat konfransında bəyan edib.

Onun sözlərinə görə, son aylar ərzində onun mövqeyi “Gürcü arzusu” partiyası sədrinin mövqeyi ilə üst-üstə düşmürdü. Ola bilər ki, onun vəzifədən getməsinin səbəbi elə bununla bağlıdır.

“Dünən iqtidar partiyası rəhbərliyinin görüşü baş tutub, bundan sonra bəyanat açıqlanıb. Son hadisələr mənim və iqtidar partiyasının tutduğu mövqelər arasında bəzi fərqlər ortaya çıxarıb, müxtəlif fikirlər irəli sürülüb. Əsasən söhbət mənim rəhbərliyim altında hökumətin həyata keçirdiyi iqtisadi siyasətdən gedir. Vurğulamaq istəyirəm ki, son aylarda çox sayda məsələlər toplanıb, onların həlli məndə və partiya sədrində müxtəlif yanaşmalar doğurub. Bu normal prosesdir. Hələ 2012-ci ildə və daha sonrakı dövrdə biz heç vaxt polemikaya son qoymamışdıq və düşünürəm ki, bu gün partiya sədrinə öz nəzər nöqtəsi və dünya görüşündən çıxış edərək komandanı komplektləşdirmək imkanının təqdim olunduğu məqam yetişib”, – Kvirikaşvili vurğulayıb.