Fanatiklərə buz lazımdır!
Xokkey üzrə Gürcüstan yığması haqqında “Xüsusi cins sənədli filminin treyleri “Go Group Media və “Corela Film tərəfindən çəkilib
İstanbulda az qala sensasiya baş verəcəkdi – Gürcüstanın xokkey üzrə yığması üçüncü divizionda dünya birinciliyi qazanıb, yuxarı diviziona keçə bilərdi. Bunun üçün gürcü xokkeyçiləri Honkonq komandasını böyük hesabla, CAR-dan olan xokkeyçilər isə kiçik fərqlə ev sahiblərini – Türkiyə yığmasını udmalı idi.
Gürcüstan yığması 14:3 hesabı ilə qələbə çalaraq, öz vəzifəsinin öhdəsindən uğurla gəldi. Amma Türkiyə yığması da yuxarı diviziona keçmək istəyirdi və afrikalı xokkeyçiləri məğlub etdi. Gürcü komandası turnirə hazırlıq zamanı çox böyük problemlərə baxmayaraq, ikinci oldu.
İdman Gürcüstanı bu xokkey matçını hələ uzun müddət xatırlayacaq. Gürcüstan yığmasının Türkiyə yığması ilə dünya çempionatında üçüncü divizionda start oyunu martın 31-dədir.
Birinci dövrdə gürcü xokkeyçiləri 1:0 hesabla qələbə çaldılar. Daha böyük hesab da ola bilərdi, amma üç gözəl qol vurmaq imkanı əldən buraxıldı.
Sonda fiziki cəhətdən daha yaxşı hazırlanmış turnir sahibləri – turnir İstanbulda keçirilirdi – yavaş-yavaş təşəbbüsü öz əllərinə keçirdilər. Ənənəvi olaraq istənilən turnir sahiblərinin xeyrinə işləyən hakimlərsiz də ötüşmədi. Onlar Türkiyə yığmasının xeyrinə bir neçə qərar verdilər, bir neçə mübahisəli epizodu Gürcüstan yığmasının xeyrinə həll etmədilər və oyunu pozdular.
Köhnənin azarkeşi olan Menya gürcü xokkeyçilərinin bütün bunlara baxmayaraq, matçın axırına yaxın hesabı bərabərləşdirə (4:4) bildiklərinə təəccübləndi. Təəssüf ki, həmin andaca öz zonasında axmaq bir səhv buraxıldı və türk komandası özünün turnirdə ilk qələbəsini yaşadı. Ümumilikdə onların sayı beş olacaq.
Gürcüstan yığması məşq etmək üçün normal şəraitdən məhrum olan, öz işinin həvəskarları və hətta fanatiklərindən ibarət və az yerdən kömək ala bilən bir komandadır. Bununla belə bu yığma turnirdə qələbə çala və daha yüksək diviziona keçməyə qadiriydi!
Bunun baş verməsi üçün dünən, turnirin son günündə CAR-ın Türkiyə üzərində kiçik hesabla qələbəsi və Gürcüstanın Honkonq üzərində böyük qələbəsinə ehtiyac vardı.
Gürcü komandası öz vəzifəsinin öhdəsindən gələrək, Honkonqu 14:3 hesabı ilə məğlub etdi. Təəssüf ki, bu, kifayət etmədi, türk komandası da öz matçında qalib oldu.
Bununla belə, Gürcüstan yığması ikinci yeri tutdu. İkinci! Bunu kim təxmin edə bilərdi?
İki il əvvəl dünya çempionatına yollanan yığma gözlənildiyi kimi bütün matçlarda uduzdu. Onda komandanın nailiyyəti udulan matçlar yox, vurulan şaybalarla sayılırdı. Onlar bütün turnir boyu bir neçə şayba vura bildilər.
Ötən 2015-ci ildə Gürcüstan yığması ilk qələbələrini qazanmağa başladı. Yekun yer cədvəlin ortası oldu. Oyunun keyfiyyəti autsayderlərdən bir az daha yaxşı, amma turnir cədvəlində daha yüksək yerlər tutan komandalardan xeyli daha pis idi.
Türkiyədəki indiki turnir bir az kənar durur. Türkiyə ilə təəssüf doğuran məğlubiyyətdən sonra Gürcüstan yığmasını Bosniya və Herseqovina ilə oyun gözləyirdi. Bu balkan ölkəsi gürcü xokkeyinin tarixinə düşüb. Məhz bu komandanın üzərində gürcü yığması ötən il öz ilk qələbəsini çaldı. İndi Türkiyədə məhz bosniyalılar üzərində Gürcüstan özünün ilk iri hesablı qələbəsini çaldı – 8:0! Bu, bizim xokkeyçilərin ilk qəti qələbəsi oldu.
Gürcü xokkeyçilərin ikinci belə qələbəsi də özünü çox gözlətmədi. Aprelin 4-də onların qurbanı Lüksemburq yığması oldu – aşağı divizion komandası üçün kifayət qədər güclü, ötən ilin çempionatında özünü heç də pis göstərməyən bir komanda. 5:0 Gürcüstanın xeyrinə.
Lüksemburq və Bosniya və Herseqovina arasındakı matçlarda isə Gürcüstan yığması özünün, mənim fikrimcə, ən yaxşı matçını oynadı.
Hələ ötən il CAR yığması daha yuxarı divizionda oynayırdı. Afrikalıların qayıtmaq niyyəti tam ciddi idi. Düzü, birinci mərhələdən sonra matçın yaxşı sonucla nəticələnməsinə ümid azıydı – Gürcüstan 2:4 hesabı ilə uduzurdu. Amma tək hesabda deyil. Fiziki hazırlıqda, sürət və manevr etmək bacarığında da afrikalılar xeyli üstün idilər.
Amma ikinci mərhələdə gürcü komandasında metamorfoza baş verdi. Məşqçi oyunçulara hansı sözləri dedi, soyunma otağında nə baş verdi – bunu hələlik ancaq xokkeyçilərin özləri bilir.
İdmanda kambek ağır məsələdir, xokkeydə isə spesifikasına görə ikiqat ağırdır. Gürcü xokkeyçiləri bunu bacardı. Onlar oyunun gedişatını dəyişərək, özlərinin güclü komanda üzərində qələbəsinə güclə də olsa nail ola bildilər – 6:5!
Komandanın yuxarı diviziona keçmək şansı vardı. Alınmadı. Bəlkə elə belə yaxşıdır.
Aşağı üçüncü divizionla növbətidə oynayan komandalar arasında ustalıqda olan kiçik fərq aldadıcıdır. Əslində, bu fərq böyükdür. Və komandanın yuxarı qalxandan sonra bütün matçları uduzacağı ehtimalı böyükdür. Bu isə neçə idmançını sındıran böyük psixoloji zərbədir.
Mənim fikrimcə, gürcü xokkeyçiləri növbəti bir ili üçüncü divizionda bişib, möhkəmlənib və yalnız bundan sonra yüksək cəmiyyətə çıxış üçün döyüşsələr daha yaxşı olar. Bunun üçün ehtiyat təbii ki, var.
Mən ayrıca kimisə qeyd etmək istəmirdim, xokkey komanda oyunudur, burada həm məğlubiyyət, həm də qələbə hamınındır. Amma özümü saxlamaq çətindir. Milli yığmanın cersisində hələ də 47 yaşlı Qoça Ceyranaşvilidir.
O, Beynəlxalq Xokkey Federasiyasının (IIHF) himayəsi altında keçirilən turnirlərdə oynayan ən yaşlı xokkeyçidir – dahi çex Yaromir Yaqr ondan üç yaş kiçikdir.
Ceyranaşvili “Xokkeyə sədaqətə görə mükafata tam layiqdir – hər il xokkeyçilərə bu idman növünə sədaqətinə görə verilən Kanadanın Bill Masterton Trofi mükafatının analoquna bənzər nəsə. Tərifə təbii ki, hamı layiqdir, amma turnirin ən yaxşı topçusu və ən yaxşı snayperlərdən biri olan Boris Koçkini də qeyd etmək sitəyirəm.
Taktiki müxtəliflik və komandanın savadlılığı Dmitri Afanasyevin başçılığı ilə məşqçi ştabının işinin bəhrəsidir. Onlar əlbəttə, hamıdan yaxşı anlayırlar ki, oyunçular bütün potensiallarını reallaşdırmadılar. Və bu gün də nəyin üzərində xüsusilə işləməli olduqlarını da bilirlər.
Amma bütün gürcü xokkeyi tarixinə sual bundan ibarətdir – peşəkarlıq üzərində harada və necə işləmək olar?
Buzun olmaması hələ də gürcü xokkeyinin əsas problemi olaraq qalır. Ötən illərlə müqayisədə vəziyyət bir qədər yaxşılaşıb, amma onu tam həll olunmuş hesab etmək olmaz.
Ən ağır vəziyyətdə uğur qazanmağı bacaran oğlanlara ən azı yarım il ərzində heç olmasa həftədə üç dəfə məşq üçün buz lazımdır.
İnanmaq istəmirəm ki, idmanın həmişə yüksək qiymətləndirildiyi bir ölkə olan Gürcüstan biznesmenləri arasında xeyirxah əməl edə bilən bir neçə nəfər tapılmayacaq. Axı indi gürcü xokkeyçiləri qələbə çalmaq və uğur qazanmaq bacarıqlarını sübut etdilər. Həm də söhbət axı, çox da böyük məbləğlərdən getmir.
Foto Giya Oqanezyanın arxivindən. Fotoda: Gürcüstan yığmasının hücumçusu, turnirin ən yaxşı bombardiri Boris Boçkin və Gürcüstan yığmasının müdafiəçisi Giya Oqanezyan
Dərc edilib: 07.04.2016
