“Evə - Avropaya” - iyunun 20-də Tbilisidə ölkənin Avropa kursuna dəstək üçün genişmiqyaslı aksiya keçiriləcək
Gürcüstanın Avropa kursuna dəstək aksiyası
İyunun 20-də saat 20:00-da Tbilisidə, parlament binası qarşısında Gürcüstanın Avropa kursunu dəstəkləmək, anti-Qərb ritorikasından və ölkə hakimiyyətinin siyasətindən narazılıqlarını ifadə etmək üçün vətəndaşları bir araya gətirəcək “Evə – Avropaya” şüarı altında mitinq keçiriləcək.
İyunun 24-də Gürcüstan Aİ-yə namizəd statusu ilə bağlı müraciətinə yekun cavabı gözləyir. İlkin cavab məlumdur – Gürcüstanın şansı minimaldır. Avropa Komissiyası bu statusun Gürcüstana yox, Ukrayna və Moldovaya verilməsini tövsiyə edib. Gürcüstanda status almadan əvvəl həyata keçirilməli olan islahatların uzun siyahısı hazırlanıb.
Onların arasında ən əsasları məhkəmə və seçki islahatları, həmçinin “deoliqarxizasiya”dır [Gürcüstanın hakim partiyasının təsisçisi 2012-2013-cü illərdə ölkənin baş naziri olmuş milyarder Bidzina İvanişvilidir. Bundan sonra o, siyasətdən getdiyini açıqlayıb. Onun heç bir rəsmi vəzifəsi yoxdur, amma heç kimə sirr deyil ki, ölkəni hələ də kölgədən idarə edir – JAMnews].
- İvanişvili sanksiyalarla hədələnirmi və bu, Gürcüstanda nəyi dəyişəcək?
- Transparency International: gürcü oliqarx İvanişvili Rusiyada biznesə sahibdir
Aksiyanın əsas təşkilatçısı “Sirtsxvilia” (“Utanc”) vətəndaş hərəkatı olsa da, bir çox digər ictimai təşkilatlar, siyasi partiyalar, QHT-lər, ekspertlər, ictimai xadimlər, mədəniyyət nümayəndələri, jurnalistlər aksiyanın şüarı ilə həmrəydirlər.
Onların bir çoxu video çarxlar hazırlayıb, sosial şəbəkələrdə iyunun 20-də küçələrə çıxmağa çağıran yazılar yazıb və “Avropaya Gürcüstan xalqının Avropa yolunu seçdiyini” nümayiş etdiriblər.
Aksiya ilə bağlı siyasi tələblərin olub-olmayacağı hələlik bəlli deyil. Bununla belə, bir çox siyasətçi və ekspertlər hesab edirlər ki, Aİ-nin böyük tənqidindən sonra aksiyada baş nazirin istefası və növbədənkənar parlament seçkiləri tələb edilməlidir.
Bundan əlavə, iyunun 20-də Gürcüstanda cəmiyyətin kritik bir hissəsi də hökumət əleyhinə genişmiqyaslı etiraz aksiyasının sərt şəkildə yatırılmasının üçüncü ildönümünü qeyd edir. Əsas tələb müxalifətin bu günə kimi tam nail ola bilmədiyi seçki sistemində islahatların aparılması idi.
Daha sonra polis Rustaveli prospektində parlament binası qarşısında minlərlə gəncə qarşı gözyaşardıcı qaz, su şırnaqları və rezin güllələrdən istifadə edib. İki nəfər bir gözünü itirib, 200-dən çox insan yaralanıb.
ürcüstanın Avropa kursuna dəstək aksiyası
