Ermənistanın keçmiş müdafiə naziri həbs olunub: MTX təsdiq edir
Ermənistanın Milli Təhlükəsizlik Xidməti 2018-2020-ci illərdə vəzifədə olmuş keçmiş müdafiə naziri David Tonoyanın həbs edildiyi məlumatını təsdiq edib. O, “xüsusi iri həcmdə talanda” şübhəli bilinir.
MTX Ermənistan ordsunu silahla təchiz edən şirkətin rəhbəri David Qalstyanın saxlanılması haqda məlumatı da təsdiqləyib.
Hər ikisi Ermənistan Müdafiə Nazirliyi və Silahlı Qüvvələrinin yüksək vəzifəli şəxslərinin ordunun ehtiyacları üçün hərbi sursatların təchiz olunması prosesində sui-istifadə hallarını araşdıran cinayət işi çərçivəsində saxlanılıb.
Sentyabrın 29-da bu haqda “Qraparak” qəzeti öz mənbələrinə istinadın məlumat yayıb. Qəzetin dərc etdiyi məqalədə deyilir ki, saxlanılmazdan əvvəl keçmiş nazirin evində axtarış aparılıb.
- Yerevanda Qarabağ müharibəsində həlak olanların xatirəsi yad edilib. Video
- İkinci Qarabağ müharibəsindən bir il sonra – əsas hadisələr bir videoda
- Dövlətə xəyanətdə ittiham olunanları müdafiə edən rusiyalı vəkil Gürcüstana köçüb
Başqa nə məlumdur?
MTX-nın məlumatına görə, saxlanılanlar xüsusilə iri həcmdə – 2 277 323 840 dram [$4,7 mln. yaxın] vəsaiti talamaqda, o cümlədən də “ictmai təhlükəli əməlləri ört-basdər etməkdə” ittiham olunurlar.
Onların həbsi ilə bağlı məhkəmədə vəsatət qaldırılıb.
MTX-dən bildirildiyinə görə, bu iş çərçivəsində ölkənin silahlı qüvvələrinin digər keçmiş və hazırkı yüksək vəzifə sahiləri də cinayət məsuliyyətinə cəlb olunublar.
Amma sabiq nazirin vəkili isə bildirir ki, David Tonoyan özünü təqsirli bilmir. Üstəlik vəkil vurğulayır ki, müvəkkilinin saxlanması və onun həbsi haqda vəsatət qanunsuzdur, çünki məhkəmə daha əvvəl bu cinayət işi çərçivəsində artıq qərar qəbul edib. Tonoyana qarşı ittihamlara məhkəməyə təqdim olunan sübutlar əsasında xitam verilib.
David Qalstyana gəlincə, uzun illərdir Ermənistan SQ-nin silah təchizatçısı olmuş “Mosston Engineering” şirkətinin direktoru 2020-ci ilin fevralında artıq həbs olunmuşdu. Amma mayda Apellyasiya Məhkəməsi birinci instansiya məhkəməsinin qərarını ləğv edib və o, azadlığa buraxılıb.
MTX-nin məlumatına əsasən, David Qalstyanın şirkəti 2018-ci ildə Müdafiə Nazirliyi ilə 1983-1986-cı illər istehsalı olan mərmilərin təchizatı haqda müqavilə bağlayıb, amma 1977-ci iə aid mərmilərlər təchiz edib.
Müəyyən olunub ki, taktiki xarakteristikasına görə onlar ordunun ehtiyac duyduğu mərmilərdən çox geri qalır, onlarla “hərbi vəzifələri həll etmək mümkün deyil”. Bununla əlaqədar olaraq saxlanıan bir milyon dollardan çox vəsaiti mənimsəməkdə şübhəli bilinir.
“Mosston Engineering” rəhbərinin vəkili hələ fevralda bildirib ki, məhkəməyə çatdırılmış silahların müqavilə tələbləri ilə üst-üstə düşdüyünə dair danılmaz sübutlar təqdim olunub:
“Əslində 70-ci illərlə bağlı bu epizod çox gülməlidir, çünki işin materialları bütün təqdim olunmuş sübutlarla təchiz olunmuş mərmilərin 70-ci illərə aid olduğunu təkzib edir. Sadəcə insanlar mütəxəssis deyil, konkret mərminin istehsal tarixi ilə mərminin detalında qeyd olunan konkret rəqəmlər arasındakı fərqi görə bilməyiblər. Problem bundadır”.
Bu işdə başqa kimlərin adları hallanır?
Sentyabrın 29-dan Ermənistan mediası eyni iş üzrə Ermənistan Silahlı Qüvvələrinin Baş Qərargah rəisinin müavini Stepan Qalstyanın da saxlanıldığı haqda məlumat yayıb. Hər halda onun Milli Təhlükəsizlik Xidmətinə dəvət edildiyi haqda informasiya təsdiqlənib.
Daha əvvəl bu iş üzrə SQ Aviasiya İdarəsinin keçmiş rəisi Avetik Muradyanın saxlanıldığı haqda informasiya da dərc olunub.
MTX-nın məlumatında ad çəkilməyib, amma qeyd olunub ki, yüksək vəzifəli hərbçi hələ 2011-ci ildə təchizatçı şirkətlərdən birinin vaxtı ötmüş və keyfiyyətsiz hərbu sursatların gətirilməsindən xəbərdar olub, amma bu, dövlət büdcəsindən 4,7 milyon dollar ödəyərək onları almağa mane olmayıb. 2009-cu ildən 2019-cu ilə qədər isə Aviasiya İdarəsinin rəisi vəzifəsini general-mayor Avetik Muradyan tutub.
Ermənistan mediası şayiələr səviyyəsində və öz mənbələrinə istinadən yazır ki, yaxın zamanda Ermənistanın keçmiş müdafiə naziri Seyran Ohanyanın və Ermənisran SQ Baş Qərargahının keçmiş rəisi Yuri Xaçaturovun da həbsi mümkündür. Hər ikisi bu vəzifələri 2008-2016-cı illərdə tutublar.
MTX-nın son bəyanatında deyilir ki, “cinayətin bütün silsiləsinin çözülməsi və bütün aidiyyatlı şəxslərin üzə çıxarılması üçün genişmiqyaslı əməliyyat-axtarış və istintaq tədbirləri həyata keçirilir”.
