Ermənistanda Birinci Respublikanın 101 illiyi qeyd olunub
Ermənistan Birinci Respublikanın elan olunmasının 101 illiyini qeyd edib.
1918-ci il mayın 28-də Tbilisidə (o zaman Tiflis) Ermənistan Milli Şurası Ermənistanın müstəqilliyini elan edib və Birinci Ermənistan Respublikası qurulub və iki il yarım mövcudluğunu sürdürüb. Ermənistanın paytaxtı indi olduğu kimi Yerevan olub.
Birinci Respublika Zaqafqafiya Demokratik Federativ Respublikasının dağılması nəticəsində yaranıb. Sovet hakimiyyətinin qurulması nəticəsində süqut edib.
Bir əsrdə üç Ermənistan Respublikası – burada mayın 28-də Respublika Günü qeyd olunur
100 il əvvəl müstəqil respublika olduqları zaman Azərbaycan, Ermənistan və Gürcüstan nə etdi?
28 may rəsmi bayram kimi 1992-ci ildən qeyd olunur. Həmin gün “Sardarapat” memorial kompleksində ənənəvi vayram tədbirləri keçirilir.
Baş nazir Nikol Paşinyan təbrik nitqində bildirib:
“Karakilis, Baş-Aparan, Sardarapatın qəhrəmancasına döyüşlərdən sonra Birinci Ermənistan Respublikası elan edilib. Bu, erməni xalqının tarixinin öz final mərhələsinə çatdığı güman edildiyi zaman baş verib. Amma gözlənilmədən əksinə baş verib və erməni xalqı geriyə dönüşü olmadan itirilmiş olduğu güman edilən şeyi – dövlət əldə etdi… Və biz üç döyüşün qəhqəmanlarına onların qanlarının əbəs yerə axmadığını deməyə gəlirik”.
Bu il memorial kompleksinin ərazisində Birinci Respublikanın əsasını qoyanlardan biri, daxili işlər naziri Aram Manukyanın 140 illiyi münasibətilə abidə də ucaldılıb.
Ermənistanın baş naziri qəhrəmanların xatirəsini hazırda hökumətin həll etməyə çalışdığı problemlərlə – xüsusən də korrupsiya ilə əlaqələndirib:
“Hər bir vətəndaş, hökumət və parlament üzvü, yerli administrasiya rəhbəri və hakim anlamalıdır ki, Aram Manukyanın vətənində korrupsiyaya yer yoxdur. Hər bir korrupsiyalaşmış və satılan məmur Sardarapat, Baş-Aparan, Karakilis qəhrəmanlarına xəyanət edir”.
Ermənistan prezidenti Armen Sarqsyan öz təbrik müraciətini məhz erməni gənclərinə ünvanlayıb:
“Bu gün mən xüsusən Ermənistanda, Artsaxda, dünyanın müxtəlif bucaqlarında yaşayan gənc nəslə müraciət edirəm və onları müstəqil dövlətçiliyi olan doğma torpaqda səfərbər olmağa çağırıram. Bu gün bizim öz torpağımızda yaşayıb, inkişaf etmək və sabahkı gün haqda xəyal qurmaq və düşünmək, bütün Vətəni ümumi ideya və güclü, möhkəm dövlət vahidi ətrafında toplamaq üçün ən yaxşı imkanımız var”.
