Ermənistan prezidenti Azərbaycan prezidenti ilə görüş imkanını Minsk Qrupunun həmsədrləri ilə müzakirə edib
ATƏT-in Minsk Qrupunun həmsədrləri bu gün Ermənistan prezidenti Serj Sarqsyanla Azərbaycan prezidenti İlham liyevlə görüş imkanını müzakirə ediblər.
Amma bu danışıqlar haqda rəsmi məlumatda əldə edilmiş razılaşmalar haqda heç nə deyilmir.
Sadəcə bildirilir ki, ATƏT-in Minsk Qrupunun həmsədrləri və ATƏT-in hazırkı sədrinin şəxsi nümayəndəsi Yerevana səfər çərçivəsində Serj Sarqsyanla Qarabağ münaqişəsi zonasındakı vəziyyət və münaqişənin sülh yolu ilə nizamlanması prosesinin inkişafı imkanlarını müzakirə ediblər. Tərəflərin nizamlama üzrə üzərlərinə götürdükləri öhdliklərə sadiq qalmalarının vacibliyi də qeyd olunub.
Ermənistanın ekspertləri arasında və siyasi çevrələrində ehtimal olunan Sarqsyan-Əliyev görüşünün perspektivləri ilə bağlı fikirlər səslənib.
İqtidar çoxluğunu təmsil edən deputat Miqran Akopyan hesab edir:
“Əlbəttə, prezidentlərin görüşü danışıqlar prosesinə yeni impuls vermək şansına sahibdir, amma sadəlövh olmaq, Ermənistan və Azərbaycan prezidentlərinin görüşünün danışıqlarda irəliyə doğru addım olacağını düşünmək lazım deyil”.
Müxalif deputat Artak Zeynalyan düşünür ki, daha əvvəl əldə edilmiş razılaşmaların nə dərəcədə həyata keçirilməsindən asılı olmayaraq, iki tərəf arasında prezidentlər səviyyəsində görüş danışıqlar prosesinin fəallaşmasına səbəb ola bilər.
“Görüşün baş tutması arzu olunandır. Əgər biz hesab ediriksə ki, problemin həllinin sülh yolu ilə nizamlamadan başqa alternmativi yoxdur, o zaman danışıqlar labüddür”, – müxalif deputat qeyd edib.
Ermənistan və Azərbaycan presidentlərinin görüşü haqda sentyabrdan etibarən, iki ölkənin XİN rəhbərləri Nyu-Yorkda görüşəndən sonra fəal danışmağa başlayıblar. ATƏT-in Minsk Qrupunun həmsədrləri nazirlərlə Ermənistan və Azərbaycan prezidentlərinin görüşünün təşkili məsələsini müzakirə ediblər.
Məqalədəki toponimlər, fikirlər və ideyalar JAMnews-un və ya ayrı-ayrı əməkdaşlarının fikir və ideyaları ilə üst-üstə düşməyə bilər. JAMnews təhqir, təhdid, zorakılığa çağırış kimi dəyərləndirilən və ya başqa səbəblərdən etik sayılmayan şərhləri silmək haqqını özündə saxlayır.
