Ermənistanın iqtisadi fəallıq səviyyəsinin enməsinin səbəbi 2016-cı ildə Rusiyadan göndərilən pul vəsaitlərinin azalmasıdır

Ermənistanın Mərkəzi Bankının inflyasiya üzrə hesabatı göstərir ki, 2016-cı ildə Ermənistanda iqtisadi fəallığın aşağı səviyyədə olması Rusiyadan göndərilən pul vəsaitlərinin azalmasından əhəmiyyətli dərəcədə asılı olub.

Bu prosesin mənfi təsiri hökumətin həyata keçirdiyi “genişləndirici” pul-kredit və vergi-büdcə siyasəti sayəsində yumşalıb.

Rusiyadan gələn pul köçürmələri dördüncü rübdə 5 faiz artıb ki, bu da ilin sonuna doğru tələbat tempinin sürətlənməsinə gətirib çıxarıb.

MB xəbər verir ki, daxili tələbatın 0-8 faizlik artımı qeydə alınsa da, onun səviyyəsi hələ də balansdan aşağı olaraq qalır. Ermənistanın iqtisadi yüksəlişinin sürətləndirilməsi üçün tədricən daxili tələbatı bərpa eləmək, ixracın stimullaşdırılmasına və sərmayə cəlbinə hədəflənmiş bir sıra proqramları effektiv həyata keçirmək planlaşdırılıb. Xarici iqtisadi iqlimin yaxşılaşdırılması və struktur islahatların aparılması da vacib amillər sırasındadır.

2017-ci ildə Ermənistanın iqtisadi artımının 2,2-3,2 faiz təşkil edəcəyi və tədricən yüksələrək dördüncü rübdə 3,2-4,4 faizə çatacağı gözlənilir. İxrac potensialından yararlanaraq bu göstəricini təmin etmək planlaşdırılır.