Ermənistanın baş naziri xaricdəki həmvətənlərini vətənin gələcəyini qurmaqda iştirak etməyə çağırıb

Baş nazir başqalarına ümid olmamağa və öz vətəninin gələcəyini öz gücü ilə qurmağa çağırıb: “Bizim imperativ yaxşı ölkə, güclü və ədalətli Vətən qurmaqdan başqa çıxış yolumuz yoxdur. Zaman yetişib ki, geriyə çevrilib özümüzə deyək: ancaq öz gücümüzlə və öz ağlımızla nəyisə dəyişə bilərik”.

Facebook səhifəsində paylaşdığı müraciətdə Karen Karapetyan qeyd edib ki, Ermənistan və diaspora bir-birinə görə məsuliyyət daşıyır, çünki vahidin iki ayrı hissəsini təşkil edirlər, eyni tarix, tale, ölkənin gələcəyilə bağlı narahatlıqla birləşirlər. Və bu məsuliyyət “gücləri birləşdirməyə, imkanları çoxaltmağa və “belimizi” dikəltməyə, dünyadakı imicimizi düzəltməyə vadar edir”.

Baş nazir qeyd edib ki, 25 illik müstəqillik dövründə uğurlarla yanaşı, obyektiv və subyektiv səbəblərdən doğan yanlışlar da olub. Ermənistanın geosiyasi mövqeyini və bugünkü çağırışları nəzərə alaraq Karapetyan vurğulayıb ki, bu gün artıq yanlış haqqı yoxdur, ölkənin rəqabət imkanlarını doğru dəyərləndirmək lazımdır.

“Bizim dövlətimiz bu gün neftlə və ya qazla deyil, Ermənistanın intellektual resursları, diaspora və Artsaxla ifadə olunur. Biz dəyişikliklərə gedirik və bu məqsədə nail olmaq üçün bizim bir aydın formulumuz var: bütün mühitin keyfiyyətli dəyişikliyi üçün hərəkətverici güc olacaq vətənpərvər komanda, iradə, ağıllı menecment və proqramlar”, – o, vurğulayıb.

Hökumət başçısı qeyd edib ki, ümumerməni məqsədlərinə çatmaq üçün yeni menecment mədəniyyətinə ehtiyac var və o, bütün diaspora idarə edənləri, mədəniyyət xadimlərini, təhsil və elm sahəsində beynəlxalq səviyyədə tanınan həmvətənlərini bunun yaradılmasında iştirak etməyə çağırıb:

“Bu baxımdan diaspora bizim üstünlüyümüzdür. Duasporun potensialından istifadə etməmək eqosentrik və qapalı olmaq deməkdir… Mən sizi birlikdə elə bir vətən qurmağa çağırıram ki, bütün dünyada fəxrlə özümüzü erməni adlandıra bilək”.