Ermənistanın baş naziri və Azərbaycan prezidenti ilk dəfə Qarabağ münaqişəsini ictimai şəkildə müzakirə edəcəklər

İlk dəfə Ermənistanın baş naziri Nikol Paşinyan və Azərbaycan prezidenti İlham Əliyevin iştirakı ilə Qarabağ münaqişəsinin ictimai müzakirəsi baş tutacaq.

Fevralın 15-i axşam saatlarında təhlükəsizlik üzrə illik konfransın keçirildiyi Münhendə “Dağlıq Qarabağ münaqişəsinin yeni inkişafı” mövzusunda dəyirmi masa təşkil olunacaq.

Təhlükəsizlik üzrə Münhen Konfransının saytında bildirilir ki, Paşinyan və Əliyev Dağılıq Qarabağ məsələsini müzakirə edəcəklər. Müzakirələrin moderatoru Rusiya-Amerika Fondunun icraçı direktoru Selesta Vallander olacaq.

Təhlükəsizlik üzrə Münhen Konfransı haqda 

Bu, illik konfransdır, ilk dəfə 1962-ci ildə keçirilib. 1998-ci ildən tədbir Almaniya hökuməti tərəfindən maliyyələşdirilir.

30 il əvvəl ilk dəfə forum iştirakçıları hərbçilər NATO dövlətlərinin siyasi liderləri, politoloqlar və media nümayəndələri olub. 1990-cı illərdən  konfransda Rusiya və Şərqi Avropanın digər ölkələri, Çin, Hindistan və Yaponiya nümayəndələri də iştirak edir.

Bu il Təhlükəsizlik üzrə Münhen Konfransı işinə fevralın 14-dən başlayıb. Konfransa həmçinin Ermənistan və Fransa prezidentəri, Kanada, Niderlan baş nazirləri, Avstriya kansleri, Rusiya və İranın xarici işlər nazirləri, NATO və ATƏT-in baş katibləri də qatılıb.

• Ermənistanın baş naziri və Azərbaycan prezidentinin ilk rəsmi görüşünün nəticələri

• Ermənistan və Azərbaycan XİN rəhbərlərinin görüşü sona çatıb, ilk dəfədir ki, bu görüş iki gün davam edib

• Qarabağda “aprel müharibəsi”ndən üç il keçir. O, nəyi dəyişib? Bakıda və Yerevandakı ekspertlər