Ermənistanın bərpa olunan energetika sahəsinə 8 milyard dollarlıq sərmayə yatırıla bilər

Amerika şirkətləri Ermənistanın bərpa olunan energetika sahəsinə sərmayə yatırmaqda maraqlıdırlar. Bu haqda bu gün ABŞ-ın Ermənistandakı fövqəladə və səlahiyyətli səfiri Riçard Mills bərpa olunan energetikanın perspektivlərinə həsr olunmuş konfransda bildirib. Bu konfransda ABŞ-ın yeddi iri şirkəti iştirak edib.

Səfir Mills qeyd edib ki, Ermənistan bərpa olunan energetikanın inkişafına dair böyük potensiala malikdir, üstəlik 8 milyard dollarlıq əməkdaşlıq perspektivi mövcuddur: “Son beş ildə Ermənistanda enerji istehsalının həcmi 20 faiz artıq və bu gün Ermənistanda enerji istehsalı potensialı mövcuddur. Bu isə o deməkdir ki, Ermənistan bazarı genişlənir, burada artıq regional məsələləri nəzərdən keçirmək olar”.

Hərçənd diplomat vurğulayıb ki, ABŞ səfirliyi sərmayənin reallaşacağına zəmanət verə bilməz: “Erməni sahibkarlarının, Ermənistan hökumətinin vəzifəsi Amerika sərmayəçiləri üçün Ermənistanın cəlbediciliyini formalaşdırmaq və təqdim etməkdir. Ən vacib olan isə Ermənistan hökumətinin eyni oyun qaydalarının hamı üçün keçərli olduğunun zəmanətini verməsidir”.