Ermənistan müxalifəti ölkədə yeni Rusiya bazasının yaradılmasını təklif edir

JAMnews

Yerevan

Ermənistan ölkənin cənubunda yeni hərbi bazanın yaradılması ilə bağlı Rusiya ilə danışıqlara başlamalıdır.Bu haqda müxalif “Maariflənmiş Ermənistan” partiyasının lideri Edmon Marukyan bildirib.

Ermənistanın şimalında, Gümri şəhərində 102 saylı Rusiya hərbi bazası yerləşir. 2010-cu ildə Rusiya və Ermənistan bu bazanın ölkədə yerləşməsi haqda müqavilənin müddətini 2044-cü ilə qədər uzadıblar.

Müxaifətin fikrincə, yeni baza Ermənistanın Sünik vilayətinin və ümumilikdə regionun təhlükəsizliyini təmin etməyə kömək edəcək.

Sünikin təhlükəsizliyi məsələsi ikinci Qarabağ müharibəsindən sonra kəskin hal alıb. Qarabağda 44 günlük müharibədən sonnra imzalanan üçtərəfli razılaşmaya əsasən, Zəngilan rayonu Azərbaycana qaytarılıb. Bu rayon Ermənistanın Sünik vilayəti ilə sərhəddə yerləşir və indi sovet zamanına aid inzibati sərhəd üzrə demarkasiya və delimitasiya işləri aparılır.

Nəticədə Sünik vilayətinin Qoris və Qafan şəhərləri arasındakı yol bir neçə yerdə Azərbaycan ərazisindən keçir. Son zamanlar burada sərhədin Ermənistanın bəzi dövlət obyektlərinin və fərdi evlərin düz ortasından keçməsi ilə bağlı qarşıdurmalar yaşanır.

Regionda vəziyyət həddən artıq gərgindir, süniklilər hesab edirlər ki, baş nazir Nikol Paşinyan könüllü şəkildə Qarabağ ərazilərini Azərbaycana təhvil verib, indi də Ermənistan torpaqlarını verir. Dekabrın 21-də onlar hətta yolu bağlayıb, baş nazirə vilayət ərazisinə gorməyə imkan verməyiblər. Paşinyan Sünik vilayətinin onunla görüşməyə etiraz etməyən sakinləri ilə görüşmək üçün bağlı yolun üzərindən vertolyotla uçmalı olub.

Marukyan nə təklif edib?

“Maariflənmiş Ermənistan” partiyasının lideri hesab edir ki, hazırkı məqamda ən vacib məsələ Sünik vilayətinin təhlükəsizliyinin təmin edilməsidir, çünki Azərbaycan SQ-nin mövqeləri artıq Ermənistanın yaşayış məntəqələrinin bilavasitə yaxınında yerləşir.

Partiyanın deputatları Sünikdə olublar ki, regiondan daxil olan bütün informasiyaları yerində yoxlasınlar. Edmon Marukyanın sözlərinə görə, səfərdən sonra onlar əmin olublar ki, Azərbaycan tərəfi “sərhədyanı yaşayış məntəqələrinə qəsd edə bilər”.

Müxalifətçi Azərbaycan hakimiyyətinin hərbi büdcə xərclərini daha da artırdığına diqqət çəkib.

“Azərbaycan yeni avantüralara hazırlaşır. Bu maneələrə qarşı qoymaq üçün Rusiya ilə yeni razılaşmanın imzalanması üzrə danışıqlara başlamaq və Sünikdə yeni baza yaratmaq lazımdır. Qarabağdakı sülhməramlılar da Gümridənsə, Sünikdən daha rahat təminat ala bilər”.

Razılaşma bazası haqda

Ermənistanın Rusiyanın liderliyi altında Kollektiv Təhlükəsizlik Müqaviləsi Təşkilatının (KTMT) üzvlüyü, o cümlədən də 5 Ermənistan-Rusiya dövlətlərarası razılaşmaların mövcudluğu şəraitində ölkə Rusiya ilə eyni təhlükəsizlik zonasında yerləşir – Marukyan hesab edir.

“Maariflənmiş Ermənistan” bütün razılaşmaları Ermənistan və Rusiya arasında dərinləşdirilmiş hərbi-siyasi əməkdaşlıq haqda vahid sazişdə birləşdirməyi, bununla yanaşı mövcud riskləri və təhdidləri aktuallaşdırmağı təklif edir. Deputatlar hesab edirlər ki, mahiyyətcə, bu, artıq mövcud olanı kağız üzərinə köçürmək demək olardı, amma bu zaman yeni sazişdə Ermənistanın Sünik regionunun təhlükəsizliyi məsələsi xüsusi yer tutmalıdır.

Partiya lideri Marukyanın sözlərinə görə, hərbi baza həmçinin Qarabağdakı Rusiya sülhməramlı qüvvələrinin daha effektiv fəaliyyəti üçün zəmin olacaq. Bundan başqa, müxalifətçilər KTMT ilə vahid təhlükəsizlik zolağına daxil olan, İran və Türkiyə ilə sərhəddə yerləşən regionda təhlükəszilik zəmanətini onun üzərinə qoyur.