Ermənistanda səs-küylü “1 mart” hadisələri ilə bağlı yeni cinayt işi açılıb

Ermənistanın Xüsusi İstintaq Xidməti yüksək vəzifəli polis əməkdaşlarına qarşı cinayət işi qaldırıb. Bi cinayət işi 1 mart 2008-ci il hadisələrinin araşdırılması ilə əlaqədardır.

İstintaq hesab edir ki, yüksək vəzifəli şəxslər sənədləri saxtalaşdırıb. Bu sənədlərə əsasən 2008-ci il fevralın 29-da hüquq-nühafizə orqanlarına Azadlıq Meydanında toplaşan insanlarda silah və partlayıcıların olduğu haqda məlumat daxil olub.

“Yüksək vəzifəli şəxslər qrup maraqlarından çıxış edərək polisin əməllərinə haqq qazandırmaq,  qanunsuz hərəkətləri gizlətmək və məsuliyyətdən qaçmaq üçün yalan məlumatlar təqdim ediblər. “Vəzifə səlahiyyətlərindən sui-istifadə”, “vəzifə səlahiyyətlərini aşma” və “xidməti saxtakarlıq” maddələri ilə cinayət işi qaldırılıb və Yerevanda baş verən 1-2 mart hadisələri ilə bağlı cinayər işi ilə birləşdirilib”,  – Ermənistanın Xüsusi İstintaq Xidməti məlumat verir.

“1mart” hadisələri ilə bağlı cinayət işinə ölkənin ikinci prezidenti Robert Koçaryan da ittiham olunan şəxs qismində cəlb olunub.

•  Keçmiş prezident nədə ittiham olunur, onu niyə həbs edib,  yenidən azadlığa buraxıblar? 

Bu gün onun ölkəni tərk edib, hər il olduğu kimi Almaniyada tibbi müayinədən keçəcəyi haqda məlumat yayılıb. Hərçənd onun pasportu hüquq-mühafizə orqanlarındadır.

“Hazırda Koçaryan Ermənistandadır. O,  Almaniyaya getmək niyyətindədir… amma hələlik ilkin istintaq orqanları tərəfindən hüquqi qadağası var. Müdafiə hazırda bu maneələrin aradan qaldırılması ilə məşğuldur”, – Koçaryanın vəkili Aram Orbelyan bildirib.