Ermənistanda keçiriləcək seçkiqabağı kampaniya və parlament seçkiləri günündə qaynar xətt fəaliyyət göstərəcək

2017-ci il martın 5-dən Ermənistanda apreldə keçiriləcək parlament seçkiləri öncəsi kampaniyaya start verilib. İlk gündən etibarən saat 09:00-dan 18:00-a qədər, seçki günü isə bütün sutka boyu Ermənistanın Baş Prokurorluğunda qaynar xətt fəaliyyət göstərəcək – (+37410) 511-603. Qaynar xətt “seçki ilə bağlı cinayətlər haqda məlumatları yoxlamağa, həmçinin bu cinayətlərin açılması məqsədilə hüquq-mühafizə orqanlarının fəaliyyətinin effektini artırmağa xidmət edəcək”.

KİV məlumat verir ki, maraqlı şəxslər şahidi olduqları seçki cinayətlərilə bağlı qaynar xəttə xəbər verə bilərlər. Baş Prokurorluq cinayətləri xəbər verən şəxslərin gizliliyinə dair zəmanət verir.

Xüsusi işçi qrup 2017-ci il martın 4-ə qədər ehtimal olunan seçki pozuntularına dair KİV-də dərc olunan artıq 79 xəbəri və polisə daxil olan bir anonim məlumatı araşdırıb.

Baş Prokurorluqdan bildirirlər ki, “araşdırılmış 80 məlumatdan ancaq 19-da seçki xarakterli pozuntu aşkarlanıb… Bu 19 məlumatdan 14-ü seçki ilə bağlı aşkar rüşvət halları ilə, beşi vətəndaşların azad seçki iradəsinin ifadəsilə əlaqədar olub”.