Ermənistan və Azərbaycan XİN rəhbərləri sentyabrda görüşəcək

Ermənistan və Azərbaycanın xarici işlər nazirləri Nyu-Yorkda görüşəcəklər. Bu haqda Ermənistan jurnalistləri ilə brifinqdə Ermənistan XİN rəhbəri Edvard Nalbandyan deyib.

O həmçinin bildirib ki, görüş sentyabrda baş tutacaq.

“Görüşün gündəmində dəfələrdə danışdığımız mövzular var: danışıqlar prosesinin davam etdirilməsi üçün müvafiq şəraitin yaradılması”, – Ermənistan xarici işlər naziri deyib.

Edvard Nalbandyan həmçinin bildirib ki, danışıqların alternativi yoxdur: “Velosiped icad eləmək çətindir. Nə var, nə olub – elə bunlar ıətrafında da danışıqlar aparacayıq”.

Ermənistan və Azərbaycan prezidentlərinin mümkün görüşü ilə bağlı Nalbandyan qeyd edib ki, hələ heç nə məlum deyil.