Ermənistan və Azərbaycan silahlı qüvvələrinin təmas xəttində çəkiliş qrupuna atəş açılıb: erməni telekanalının operatoru yaralanıb

Erməni və Azərbaycan silahlı qüvvələrinin təmas xəttinin şimal hissəsində dünən axşam Yerevanın “Şant” telekanalının “Dirkerum” (“Mövqelərdə”) verilişinin çəkiliş qrupu atəşə tutulub. Bu haqda erməni mediası xəbər verib.

Teleşirkətin avtomobilinə irikalibrli silahdan atəş edilib, nəticədə proqramın operatoru David Atoyan yaralanıb. Başqa heç kim xəsarət almayıb.

Səhər operator Stepanakert hospitalında əməliyyat olunub.

Verilişin müəllifi Arşak Zakaryan bildirib ki, David Atoyan ayağından yaralanıb. Əməliyyatdan sonra onun vəziyyəti normal dəyərləndirilir.