Dövlət Departamenti azərbaycanlı aktivist Salayevin işini “diqqətlə izləyir”
Əlizamin Salayevin işi
Dövlət Departamenti Azərbaycanda qanunsuz həbsinə etiraz əlaməti olaraq yüz gündür aclıq edən müxalif fəal Əlizamin Salayevin işini “diqqətlə izləməyə davam edəcəyini” bəyan edib.
- “Çirkli əllərinizi “Georgian Airways”dən çəkin!” – Gürcüstanda Rusiyaya uçuşlar ətrafında qalmaqal
- Azərbaycanda “İran casusu” ovu davam edir
- Paşinyan-Əliyev-Mişel görüşünə dair Bakı və Yerevandan dəyərləndirmə
Dövlət Düpartamenti nümayəndəsinin bəyanı
Azərbaycan Xalq Cənhəsi Partiyasının (AXCP) funksioneri olan Salayev fevralın 7-də 7-də saxlanılıb. Ertəsi gün Bakının Qaradağ Rayon Məhkəməsinin qərarı ilə haqqında istintaq müddətində həbs qətimkan tədbiri seçilib.
Ona qarşı Cinayət Məcəlləsinin 221.3-cü maddəsi (xuliqanlıq – silahdan və ya silah qismində istifadə olunan əşyalardan istifadə edilməklə zərərçəkmiş şəxsə zor tətbiq olunması) ilə cinayət işi açılıb. İttiham sübut olunsa, Salayevi 5 ilədək həbs cəzası gözləyir. O, bu iddianı qətiyyətlə təkzib edir və qeyd-şərtsiz azadlığa buraxılmasını tələb edir.
“Bizim Əlizamin Salayevin aclıq elan etdiyindən xəbərimiz var və onun işini diqqətlə izləməyə davam edəcəyik”, deyə Dövlət Departamentinin rəsmi nümayəndəsinin müavini Vedant Patel Turan-ın bu işlə bağlı sualına cavabda bildirib.
“Biz əvvəlki kimi insan hüquqlarına və əsas azadlıqlarına hörmətin təşviqinə sadiqik və hakimiyyəti söhbət insan hüquqlarından getdiyi zaman Azərbaycanın öz konstitusiyasına və beynəlxalq sazişlərə uyğun addımlar atmağa çağırırıq”.
ABŞ səfirliyinin bəyanatı
Bundan az əvvəl Salayevin işini yaxından izləyən ABŞ səfirliyi Azərbaycan hakimiyyətini onu azad etməyə çağırmışdı və onun ədalətsiz saxlanıldığını bildirmişdi.
“Amerika Birləşmiş Ştatları hələ də insan hüquqlarına və əsas azadlıqlara hörmətin təbliğinə sadiqdir. Biz hakimiyyəti Azərbaycanın öz Konstitusiyasına və beynəlxalq sazişlərə dair öhdəliklərinə uyğun olaraq vətəndaşların hüquqlarının müdafiəsi üçün addımlar atmağa çağırırıq.
ABŞ səfirliyi ədalətsiz saxlanılanları azad etməyə çağırıbBirləşmiş Ştatlar Azərbaycan hakimiyyətini insan haqlarını və əsas azadlıqlarını həyata keçirdiklərinə görə ədalətsiz və ya özbaşına saxlanılan bütün şəxsləri azad etməyə çağırmağa davam edir”, – ABŞ səfirliyinin nümayəndəsi demişdi.
“Bıçağı bir barmaqla tutmaq…”
Mayın 17-də məhkəmə prosesində Salayev huşunu itirib. Qaradağ Rayon Məhkəməsində iclas dayandırılıb və “təcili yardım” briqadası çağırılıb. Həkimlər Salayevi məhkəmə zalında müayinə etdikdən və ona iynə vurduqdan sonra iclas davam edib.
Prosesdə iki şahid – hadisə yerinin yaxınlığında olan taksi sürücülərinin ifadələri dinlənilib. Ancaq onlar deyiblər ki, hadisə yerində Salayevi görməyiblər.
Digər şahidlər iki polis əməkdaşı və iki narkoman olub. Zərərçəkən özü prosesdə etiraf edib ki, narkomaniyadan müalicə olunub və əvvəllər mühakimə edilib.
O bildirib ki, Salayev onu bıçaqla vurub. Lakin ekspertiza rəy verib ki, ona “dərəcəsini müəyyən etmək mümkün olmayan xəsarət yetirilib”.
Ekspertizanın məlumatına görə, istintaqa maddi sübut kimi təqdim edilən bıçaqda Salayevin sol əlinin şəhadət barmağının izləri aşkar edilib. Amma vəkil Fəxrəddin Mehdiyevin qeyd etdiyi kimi, bıçağı bir barmaqla tutmaq mümkün deyil. Növbəti iclas mayın 22-nə təyin edilib.
“100 gün ərzində üç dəfə komaya düşüb”
Mayın 15-də Salayev komaya düşəndən sonra Penitensiar Xidmətin istintaq təcridxanasından Ədliyyə Nazirliyinin müalicə müəssisəsinə köçürülüb. Həkimlərin müdaxiləsindən sonra onun vəziyyəti yaxşılaşıb. Bu barədə onun həyat yoldaşı Səidə Salayeva Zamin Salayevlə telefon danışığından sonra bildirib.
“Zaminin səsi çox zəifdir. Təzyiqi 60/40-a düşüb. Böyrəkləri çox ağrıyır, ayaq üstə dura bilmir, başı gicəllənir. Bədəninin hər yerində ağrı var”, – o deyib.
O, həkim nəzarəti altındadır, sistem köçürülür. Xanımının xahişinə baxmayaraq, Salayev aclığı davam etdirəcək.
Aclıq etdiyi 100 gün müddətində Salayev üm dəfə komatoz vəziyyətə düşüb. Onun səhhəti kritik kimi dəyərləndirilir. O, doğmalarına və vəkillərinə bildirib ki, azad olunana qədər aclığı dayandırmaq niyyətində deyil. “Ya azadlıq, ya ölüm”, – o deyib.
