Dindarlar Bakının mərkəzində məscidin sökülməsinə imkan verməyib

Hakimiyyətin keçmiş Sovet küçəsindəki Hacı Cavad məscidini sökmək cəhdi uğursuzluqla nəticələnib. Bakının dörd bir yanından toplaşan dindarlar məscidin ətrafını çevrəyə alaraq onun sökülməsinə mane ola biliblər. Günortadan sonra polis əməkdaşları və yerli hakimiyyət nümayəndələri ərazini tərk ediblər, dindarlar isə nümayişkaranə şəkildə məscidin içində və çölündə namaz qılıblar.

Hacı Cavad məscidi böyük miqyaslı şəhər infrastrukturunun rekonstruksiyası və yeni yolların inşası aparılan ərazidə yerləşir. Plana əsasən, memarlıq əhəmiyyəti kəsb etməyən bu bina da sökülməlidir. Qafqaz Müsəlmanları İdarəsi vəziyyəti şərh etmir. İcra Hakimiyyəti bildirir ki, dindarlara binanın söküləcəyi planı ilə bağlı çoxdan xəbərdarlıq edilib və bu qərara alternativ yoxdur, – Contact saytı yazır.

Qarşıdurma zamanı binanın onlarla fəal müdafiəçisi polis tərəfindən saxlanılıb.

Keçmiş Sovet küçəsinin yenidən qurulma layıhəsi ilə burada tanış olmaq olar.

Hadisə yerində foto JAMnews-un ştatdankənar müxbiri Əziz Elxanoğlunundur