15 il həbsə məhkum edilmiş sülh fəalı: "Məni öldürmək istəyirlər"

Bəhruz Səmədova qarşı pis rəftar

Dövlətə xəyanət ittihamı ilə 15 il azadlıqdan məhrum edilən Karlova Universitetinin doktorantı, tədqiqatçı və sülh fəalı Bəhruz Səmədov artıq 1,5 aydır 11 saylı Cəzaçəkmə Müəssisəsində qapalı vəziyyətdə saxlanılır.

Bu barədə “Meydan TV”-yə danışan onun nənəsi Zibeydə Osmanova deyib ki, müəssisə rəhbərliyi səbəb göstərmədən Səmədovun “cərimə otağında” saxlanma müddətini uzadıb:

“Bəhruz dedi ki, iki həftə qalmalı idim, amma dedilər ay yarım qapalı şəraitdə olacaqsan. Nə gəzə, nə də danışa bilir. Sonra məni Umbakı kompleksinə göndərəcəklər. Deyir ki, bunlar məni öldürmək istəyirlər”.

Osmanova nəvəsinin həyatından ciddi narahat olduğunu bildirib. Onun sözlərinə görə, Bəhruz bundan əvvəl iki dəfə intihara cəhd edib və yenidən eyni fikirdə olduğunu deyib.

Vəkil Zibeydə Sadıqova Ombudsmana müraciət etməyə hazırlaşır.

Sülh fəalına 15 il həbs: "Bu, sadəcə Bəhruzun həbsi deyil, bir rejimin portretidir"

Azərbaycanlı siyasi tədqiqatçı, sülh fəalı və doktorant Bəhruz Səmədov 15 il azadlıqdan məhrum edildi. O, dövlətə xəyanətdə ittiham edilir, vəkilinin sözlərinə görə isə günahı sübuta yetirilməyib.

Kimdir Bəhruz Səmədov?

Səmədov Çexiyanın Karlova Universitetində siyasi elmlər üzrə doktorantdır.

O, Azərbaycan-Ermənistan münaqişəsi, sülh prosesi və regiondakı siyasi nizam haqqında tənqidi tədqiqatların, həmçinin Azərbaycan hökumətini sərt tənqid edən məqalələrin müəllifidir.

Onun yazıları “OC Media”, “Eurasianet”, “Bakı Araşdırmalar İnstitutu” kimi müstəqil platformalarda dərc olunub.

Sülh məhbusu: “Yaşasın sülh! Yaşasın xalqların qardaşlığı!”

Bəhruz Səmədov Azərbaycanda dövlətə xəyanətdə ittiham olunaraq həbs edilmiş siyasi tədqiqatçı və müharibə əleyhdarıdır.

Beynəlxalq reaksiyalar

• “Scholars at Risk” təşkilatı və Amnesty International həbsi “siyasi motivli” adlandırıb, onun elmi fəaliyyəti və hökuməti tənqid edən mövqeyinə görə cəzalandırıldığını bəyan edib.
• FIDH və Human Rights House Foundation bəyan edib ki, Bəhruz Səmədov və digər tədqiqatçılara qarşı irəli sürülən casusluq ittihamları “qondarma sübutlara” əsaslanır.

Rəsmi reaksiya

Azərbaycan Penitensiar Xidməti və DTX hadisə ilə bağlı rəsmi açıqlama verməyib.

Sülh fəalı Paşinyana: "Mənimlə Ermənistan kəşfiyyat orqanları arasında əməkdaşlığın olmaması haqda bəyanat verin"

Azərbaycanda dövlətə xəyanətdə ittiham olunaraq həbs edilmiş müharibə əleyhdarı Bəhruz Səmədov Nikol Paşinyana açıq məktubla müraciət edib.

Bəhruz Səmədova qarşı pis rəftar