BBC kişi və qadınların maaşlarını bərabərləşdirir

Britaniyanın BBC yayım korporasiyası kişi aparıcıların maaşlarını kəsmək planını açıqlayıb. Bu, qadınların diskriminasiyasının qarşısını almaq kampaniyası çərçivəsində həyata keçirilir.

Hazırda BBC-nin ən çox maaş alan (əmək haqqı ildə 150 000 funtdan çox olan) əməkdaşları arasında 62 kişi və 34 qadın var. Bu siyahıya dicey və radio-aparıcı Kris Evans (2.2 milyon funt) rəhbərlik edir, onu futbol şərhçisi Geri ineker (1.8 milyon funt) təqib edir və ən varlı aparıcıların üçlüyünü Qrem Norton (900 min funt) qapadır.

Müqayisə üçün: ən çox əmək haqqı alan qadın tele-ulduz rəqs şousunun aparıcısı Klaudia Vinkelman ötən il 500 min funt qazanıb.

BBC-nin planlarına görə, kişi aparıcıların maaşları azaldılacaq, qadınlarınkı isə artırılacaq. 2020-ci ilə qədər korporasiya maaşları tam bərabərləşdirməyi düşünür.

Bu plan Britaniya cəmiyyəti tərəfindən müsbət qarşılanıb. Mədəniyyət Naziri bunu diskriminasiyanın qarşısının alınmasına doğru addım adlandırıb. Kişi aparıcılar tərəfindən açıq etiraz səslənməyib.