AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print

Bakıda dahi şair Nəsimiyə həsr olunmuş incəsənət festivalı başlayıb

messenger vk-black email copy print

Bakıda orta əsr Azərbaycan şairi və mütəfəkkiri İmadəddin Nəsimiyə həsr olunmuş incəsənət festivalı başlayıb.

İmadəddin Nəsimi (1369-1417) Azərbaycan, fars və ərəb dillərində yazan dahi şair və filosofdur.  Azərbaycan poeziyasının inkişafında mühüm rol oynayıb. Sufizmin (islamın ezoterik cərəyanı) qollarından biri olan hürufiliyin ən görkəmli davamçılarındandır.  Azadfikirliyinə görə, din xadimlərinin fətvası ilə Hələb şəhərində edam edilib.

Festival çərçivəsində çox sayda müxtəlif tədbirlər keçiriləcək: şeir məclisləri, moda nümayişi, yerli və əcnəbi musiqiçilərin iştirakı ilə konsertlər, leksiyalar, tamaşalar, sərgilər, hətta yoqa “seansı”. Bütün bunlar Bakı və ətraf qəsəbələrin müxtəlif meydanlarında, o cümlədən də şairin vətəni Şamaxı şəhərində keçiriləcək.

Festival Heydər Əliyev Fondunun təşkilatçılığı, Mədəniyyət və Turizm Nazirliyyinin dəstəyi ilə həyata keçirilir.

Go to top

Ən Populyar

Xəbərlər

Multimedia