Bakı küçələrində gündəlik həyat: Tacirlərdən sənətçilərə
Bakı küçələrinin daimi sakinləri
“JAMnews” Bakı küçələrinin daimi sakinlərini təqdim edir: Küçə ticarətçiləri, parkinq işçisi, küçə sənətçiləri və küçələri təmizləyənlər…
Küçə ticarətçiləri
Küçə ticarətçiləri, adətən, günün bir neçə saatı işləyirlər. Onlar məhsullarını market və digər ticarət obyektlərinə nisbətən daha ucuz satır və alıcı cəlb etməyə çalışırlar.
Bunun üçün rəsmi icazə sənədini almaq isə asan deyil.
“Küçə ticarəti böyük rüşvət mənbəyidir və bunu əldən buraxmaq istəmirlər. Ona görə də bu sənədi ala bilən adam azdır. Lakin, çox israr etsən, VÖEN-lə işləyə bilərsən”, – hazırda həbsdə olan işçi haqları müdafiəçisi Afiəddin Məmmədov “JAMnews”a açıqlamasında belə demişdi.
Küçə sənətçiləri
Bakıda fəaliyyət göstərən küçə sənətçiləri, Dövlət Turizm Agentliyinin Bakı-Abşeron Regional Turizm İdarəsinin “Küçə sənətçiləri” layihəsi çərçivəsində seçim turu ilə seçilirlər.
Onlar Bakı Şəhər İcra Hakimiyyəti və Daxili İşlər Nazirliyi ilə birgə razılaşdırılmış xüsusi çıxış yerlərində sərbəst fəaliyyət göstərə bilirlər.
2024-cü ildə Azərbaycanda keçilirmiş COP29 Beynəlxalq İqlim Konfransı səbəbilə “Küçə sənətçiləri” layihəsi Dövlət Turizm Agentliyi, Daxili İşlər Nazirliyi, Mədəniyyət Nazirliyi və Bakı Şəhəri İcra Hakimiyyəti tərəfindən yaradılan İşçi Qrupun birgə fəaliyyəti ilə təkmilləşdirilmiş qaydalar əsasında yenidən təşkil olunub.
Parkinq işçiləri
Parkinq işçiləri Bakının mərkəzi küçələrinin əvəzolunmaz sakinləridir.
2023-cü ilin avqustundan Azərbaycan Yerüstü Nəqliyyat Agentliyi (AYNA) tərəfindən “Azparking” mobil tətbiqi istifadəyə verilsə də, mərkəzi küçələr bu sakinləri ilə vidalaşa bilməyib.
Bununla bağlı rəsmi qurumlar da səssizliyini qoruyur.
Küçələri təmizləyənlər
Küçələri təmizləyənlər, şəhəri təmiz saxlamağa çalışanlar da Bakının yaxşı rəftarına həsrətdilər.
Gecənin bir yarısından küçələrdə olan bu təmizlik işçilərinin ölümü demək olar adi haldır.
Yolun hərəkət hissələri təmizləyərkən onlardan bir neçəsi baş vermiş qəzalar nəticəsində həyatlarını itirib.
